Charter Document - 05350075
| Charter Number: | 05350075 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1346 |
| Date type: | Internal, A.D. |
| Resource Link(s): |
|
Charter:
In nomine Domini amen anno incarnationis eiusdem millesimo trecentesimo quadragesimo sexto mense maii Ego Iohanes dictus li puez de Uerrangiis scutiffer notum facio uniuersis quod cum ego teneor magistro Iohanni de Breteneria et Hugoni Poisseneti de Dyuione clericis in quadraginta libras turonensium paruorum uno grosso turonense argentario pro quindecim denarios computato pro computo facto et habito inter me et dictos magistrum Iohanem et Hugonem super omnibus et singulis in quibus ego predictis magistro Iohani et Hugoni pro facto deffuncti Iohannis Rateti tenebor tam in litteris quam extra ego in solutionem ac quictationem predictarum quadraginta librarum trado cedo et concedo predictis magistro Iohanni et Hugoni scilicet dicto magistro Iohani pro tercia parte et dicto Hugoni pro duabus partibus quadraginta octo eminas bladi scilicet uiginti quatuor eminas frumenti duodecim eminas ordii et duodecim eminas auene sequuntur decimarum bladorum finagii de Uerrangiis in quibus Dominicus dictus guerrenna de Uerrangiis et Iohanes frater suus michi tenetur pro admodiatione cuiusdam molendini et plurium terrarum sitarum in finagio de Uerrangiis quibus eisdem fratribus ad certos annos ad firmam tradidi item trado et concedo predictis magistro Iohanni et Hugoni ex causa qua supra exnunc scilicet usque ad quatuor annos quatuor perceptiones factuum continentes tonsuram quiusdam pecie prati continentis quatuor secturas site in finagio de Ianleyo ante molendinum de la laiche iuxta pratum Stephaneti de Ianleyo et la nohe de la droillote cum omni iure quod habeo in debito dicti quatuor bladi et erga dictos fratres debitum et nomine debiti eiusdem et est actum mediantibus premissis quod omnes littere predicte usque ad finem solutionis dicte bladi quatuor et usque ad finem dictorum quatuor annorum in suo ualore permanebunt et uirtute qua quatuor bladi soluta quod annis predictis preteritis dicte littere mihi reddentur promissionibus confectionis earumdem huiusmodi ante traditionem cessionem et concessionem ac omnia premissa teneor et promitto per meum iuramentum datum ad sancta Dei euangelia et sub obligatione omnium bonorum meorum tenere et inuiolabiliter obsueruare et non contrauenire In quorum testimonium [] Actum in presencia Iohanis Cultilerii coadiutoris Hugonis Poisseneti notarii dyuionensis Stephaneti Borelleni de Uerrangiis et Moriseti Areton de Marcegneyo testium ad hoc uocatorum anno et mense predictis