Charter Document - 05350070
| Charter Number: | 05350070 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1346 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo quadragesimo sexto tercia die mensis maii ego Iohannes quondam filius Uieneti Rotarii de Uerrangiis notum facio uniuersis quod ego feci et facio permutationem perpetuam et excambium perpetuum cum religiosis uiris abbate et conuentu sancti Stephani dyuionensis in hunc modum uidelicet quod pro eo quod dicti religiosi michi et meis tradunt et quictant perpetuo quandam suam peciam terre continentem circa duo iornalia terre sita in finagio de Uerrangiis in loco dicto en la fin darrieis chies le rouhier iuxta terram Perroneti Mugnerii hinc et est contorium inde de qua terra me teneo plenarie pro pagato quare ego titulo permutationis perpetue trado delibero et perpetuo quicto pro me et meis eisdem religiosis pro se et successoribus suis unam petiam terre continentem circa unum iornale sitam in dicto finagio de Uerrangiis retro bergeriam seu bordam dictorum religiosorum de nouo constructam iuxta terram eorumdem religiosorum hinc et est contorium inde Item dimidiam secturam prati sitam in dicto finagio uidelicet in prato dicto salemon et partitur cum dictis religiosis de quibus terra et prato ultimo confinatis me deuestio dictos religiosos et successores suos inuestio tenore presentium corporaliter de eisdem Promittens pro me et meis per iuramentum meum propter hoc ad sancta Dei euangelia corporaliter datum et sub obligatione omnium bonorum meorum mobilium et immobilium presentium et futurorum quorumcumque dictam peciam terre ultimo confinatam cum prato predicto dictis religiosis et successoribus suis contra omnes perpetuo garantire quicte et libere salua decima ratione dicte terre debita deffendere et in pace tenere meis propriis missionibus et expensis et contra tenorem presentium de cetero non uenire tacite uel apperte omni exceptione contraria in hoc facto cessante et remota uolens me compelli [] In quorum testimonium [] Actum in presencia Hugonis Poisseneti clerici notarii dyuionensis Iohannis de Acceyo et Othenini de Tardo clericorum testium ad hoc uocatorum anno et die predictis