Charter Document - 05350063

Nos frater Regnaudus humilis abbas priorque et totus conuentus monasterii sancti Stephani diuionensis ordinis sancti Augustini lingonensis diocesis notum facimus quos diligenti tractatu et deliberacione prouida in nostro capitulo et extra prehabitis inter nos abbatem predictum ex una parte et nos priorem et conuentum predictos ex altera in capitulo nostro propter hoc ibidem specialiter constituto utriusque nostrum et successorum nostrorum considerato commodo euidenti unanimos concordauimus ac concordiam fecimus adinuicem prout inferius continetur uidelicet quod pro eo quod dicti prior et conuentus nos abbatem prefatum et successores nostros quittauerunt liberauerunt et perpetuo absoluerunt ab omne prestacione solucione et administracione sibi a nobis et successoribus nostris decetere faciendis tam caseorum ouorum alectium salsarum specierum oleorum ceparum alliarum quod etiam sagiminum quibuscunque modis et temporibus ipsis a uobis debitorum et debitarum uidelicet pro precio et summa sexaginta librarum turonensium monete currentis pro terminis solutionum earumdem a nobis et nostris successoribus sibi et successoribus suis in usus pictanciarum suarum secundum eorum arbitrium totaliter conuertandis perpetuis et deinceps de et super reditibus et prouentibus ecclesie nostre beati Nicolay de Diuione annis singulis persoluendis ad terminos infrascriptos uidelicet in singulis quatuor temporibus iemmis anni cuiuslibet quindecim libras dicte monete nos uero prior et conuentus predicti pro predictis sexaginta libras monete nobis et successoribus nostris a prefato domino abbate et suis successoribus de et super reditibus et prouentibus predictis imperpetuum persoluendis modo et forma quibus supra dictum dominum abbatem et futuros successores suos quictamus pro nobis et nostris successoribus liberamus et absoluimus et immunes et liberos esse uolumus ab omne prestacione solucione et administracione nobis aut successoribus nostris imposterum faciendis omnium et singulorum premissorum et cuiuslibet eorumdem uolentes eciam et concedentes concordiam dudum inter nos et bone memorie uirum dominum Poincarzdum olim abbatem nostrum tempore quo uiuebat factam super caseis ouis alectibus et salsis speciebus dumtaxat pro quadraginta sex libris super qua concordia confacte fuerunt littere sigillo suo et nostro sigillate nullius sit ualoris et nullam habeat de cetera roboris firmitatem cum in ista presenti et ultima concordia comprehenditur promictentes nos abbas predictus priorque et conuentus predicti bona fide quod nostrum quemlibet tangere potest et tangit alter nostrum alteri tenere et imperpetuum ac inuiolabiliter pro nobis et nostris successoribus obseruare In quorum testimonium et ad obseruanciam omnium singulorum premissorum nos abbas prior et conuentus prenominati sigilla nostra hiis presentibus litteris duximus apponenda datum et actum in capitulo nostro predicto die sabbati post octabas purificationis beate Marie uirginis Anno Domini millesimo trecentesimo quadragesimo quinto