Charter Document - 05350062
| Charter Number: | 05350062 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1345 - 1346 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo quadragesimo quinto mense iannuarii Ego Perellus de Uerrangiis scutifer notum facio uniuersis quod ego facio permutationem seu excambium perpetuum cum religiosis uiris fratre Regnaudo abbate et conuentu monasterii sancti Stephani dyuionensis in hunc modum uidelicet quod pro eo quod dicti religiosi michi perpetuo tradunt unam petiam terre continentem circa tria iornalia sitam in finagio de Uerrangiis in loco dicto au Cultil au gras iuxta terram Perreneti Mugnerii hinc et cultile dicti au gras inde quittam pro decima ego titulo permutationis seu excambii perpetui trado concedo et quitto perpetuo pro me et meis heredibus dictis religiosis pro se et suis successoribus unam aliam petiam terre continentem circa unum iornale et dimidium sitam in finagio predicto in uia de Malliens iuxta terram heredum Moneti Mercerii hinc et inde Item aliam petiam terre continentem circa unum iornale et dimidium sitam in dicto finagio iuxta bergeriam dictorum religiosorum ex una parte et cheminum commune ex altera deuestiens me pro me et meis heredibus de dictis petiis terre dictos religiosos pro se et successoribus suis inuestiendo de eisdem Et promitto pro me et meis heredibus per iuramentum meum datum ad sancta Dei euangelia et sub obligatione omnium bonorum meorum presentium et futurorum dictas petias terre a me traditas quittas et liberas ab omni onere pro decima dictis religiosis contra omnes perpetuo garantire deffendere et in pace tenere in iuditio et extra meis propriis sumptibus et expensis et contra tenorem presentium non uenire in futurum et uolo me compelli [] In quorum testimonium [] Actum in presentia Ioanis Cultilerii de Dyuione clerici coadiutoris Hugonis Poisseneti notarii Dyuionis et Hugonis de Uerrangiis scutiferi et Demantii de Campis testium ad hoc uocatorum anno et mense predictis