Charter Document - 05350060
| Charter Number: | 05350060 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1345 - 1346 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo quadragesimo quinto uicesima quinta die iannuarii Ego Eudo Cossenete de Fleureyo comorans apud Dyuionem notum facio uniuersis presentes litteras inspecturis quod pro eo quod religiosus uir frater Renaudus abbas monasterii sancti Stephani de Dyuione me retinuit et recepit in hominem suum et dicte ecclesie Stephany Ego teneor et promitto per iuramentum meum ad sancta Dei euangelia datum et sub obligatione omnium bonorum meorum dicto abbati et suis successoribus singulis annis reddere et soluere in ecclesia beati Stephani predicta die festi beati Stephani quod est in crastina festi natiuitatis Domini causa et racione homagii unam libram cere quandiu ego uitam duxero in humanis duntaxat et ad predicta tenenda et adimplenda uolo me compelli [] In quorum testimonium [] Actum in presencia Hugonis Poisseneti notarii Dyuionis Iohannis de Acceyo et Iohannis dicti torderat de Dyuione clericorum testium ad hoc uocatorum anno mense et die predictis