Charter Document - 05350059

Uniuersis presentes litteras inspecturis officialis lingonensis salutem in Domino notum facimus quod anno Domini millesimo trecentesimo quadragesimo quinto die lune crastinia festi natiuitatis Domini in presencia dilecti et fidelis nostri Symonis seruientis de Cuiseyo clerici tabellionis curie lingonensis et mandati nostri iurati cui quantum ad infrascripta et ad maiora loco nostri audiendi et recipiendi nobisque referendi comissarius uices nostras et fidem plenarie eidem adibendas et testium subscriptorum circa horam terciam in domo prioris prioratus de Autreyo existentibus Luqueto dicto ioceram de Campanis Iohanne filio Melenete dicte ala toliere Guillermino filio quondam dicti [] dicto cleat de dictis Campanis dicentibus et asserentibus se debere censualiter [] priori prioratus de dicto Autreyo et deffere apud Autreyum in dicto prioratu ad dictam diem omnia et singulaque secuntur prout inferius sunt diuisa uidelicet dictus Luquetus duos panes albos uocatos galice fouaces duas galinas et duos solidos turonensium paruorum super mansum dictum aloilier situm in uilla de dictis Campanis iuxta mansum Guenini de Accellis ex una parte et mansum relicte Uieti dicti marcheant ex altera parte et super mansum dictum rainier tali condicione quod illi qui faciunt moram in predicto manso aloilier seu tenent dictum mansum tenentur petere duodecim denarios turonensium super mansum dictum ranier et apportare apud [] dicto prioratu item Iohannes filius Melenete dicte ala toliere unum panem album uocatum galice fouaces [] galinam et decem denarios turonensium super mansum dicti Melenete situm in dicta uilla iuxta mansum [] ex una parte et mansum Iuguetis clerici ex altera parte item Guillerminus filius quondam dicti [] duos panes albos uocatos galice fouaces unam galinam et decem denarios turonensium super mansum dictum [] situm in dicta uilla de Campanis iuxta mansum Girardeti filii dicti Remer ex una parte et mansum [] au mazeret ex altera parte item Esteueninus dictus cleoz unum panem album uocatum galice fouacem unam galinam et decem denarios turonensium super mansum dictum brocart situm in dicta uilla de Campanis iuxta mansum heredum Perenini Salir ex una parte et mansum dicti soie au ranet ex altera parte quos decem denarios Lambertus de Selongeyo apud Campanem comorans et Iohaneta filia Hugonis dicti taicher debent dicto priori ex causa dicti mansi prout dictus Esteueninus asserebat Que omnia et singula supradicta prout superius sunt diuisa dicti Luquetus Iohannes Guillerminus et Esteueninus dicto priori dicta die lune soluerunt et ad dictum locum atulerunt prout ipsi coram dicto iurato recognouerunt et publice sunt confessi super quibus sic solutis dictis et recognitis per dictos Luquetum Iohannem Guillermum et Esteueninum Religiosus et humilis uir frater Iohannes de Donnomare prior prioratus de dicto Autreyo et canonicus sancti Stephani de Dyuione petiit a dicto iurato nostro sibi cartam fieri sub sigillo nostre curie lingonensis et nos officialis predictus ad relacionem dicti iurati nostri qui nobis sub fide [] sui iuramenti hec omnia supradicta prout superius sunt expressa et in ipsius presencia sic fuisse recognita dicta et soluta sigillum curie nostre lingonensis presentibus litteris duximus apponendum Actum fuit hoc anno die loco et hora predictis presentibus Martino dicto maubinet de Autreyo Dominico Serario dicti loci et Perrenino dicto leu reux marito Luguete de Autreyo supradicto testibus ad hoc et premissa uocatis specialiter et rogatis