Charter Document - 05350056
| Charter Number: | 05350056 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Lay |
| Charter Type(s): | Declaration |
| Date: | 1345 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo quadragesimo quinto secunda die mensis octobris Ego Perellus filius quondam Bartolomei dicti Chenro de Aqueductu notum facio uniuersis presentibus et futuris et in ueritate publica et non ui non dolo non metu sed spontanea et libera uoluntate mea deliberatione et tractatu diligenti super hoc prehabito confiteor recognosco et assero quod ego ab origine et nunc sum homo taillabilis et expectabilis religiosorum uirorum abbatis et conuentus monasterii Sancti Stephani Dyuionis alte et basse per modum et conditiones quod homines et mulieres alii dictorum religiosorum de Alta uilla et in eadem uilla de Alta uilla commorantes seu habitantes nunc sunt Et hanc recognitionem facio mediante uno iornali terre sito in finagio de Alta uilla ubi dicitur en la fanaige iuxta terram Odeti le testiet hinc et iuxta terram dictorum religiosorum inde michi ab dictis religiosis in amasagio dato et concesso Promictens pro me et meis per iuramentum meum datum propter hoc ad sancta Dei euangelia et sub obligatione omnium bonorum meorum et quorumcumque contra tenorem presentium decetero non facere dicere uel uenire quomodolibet in futurum tacite uel apperte sed uolo et concedo per presentes quod si meo proposito mutato contingeret quod absit a iuridictione seu homagio dictorum religiosorum recedere ipsi religiosi ad dictum iornalem terre et alia bona mea mobilia et immobilia quorumque sint in dicta de uilla Alta uilla et sub iuridictione ipsorum religiosorum existentia recurrant et eadem in eorum dominium ponant tamquam eisedem commissa quiquid bona omnia in hoc casu predictis religiosis uolo commicti per presentes omni exceptione contraria super hoc cessante penitus et remota et ad premissa tenenda uolo me compelli [] In quorum testimonium [] Actum in presentia Hugonis Poisseneti notarii dyuionensis Iacobi Uillerandet de Aqueductu et Odeti Testiet de Alta uilla testium ad hoc uocatorum et rogatorum anno die et mense predictis