Charter Document - 05350054

Cum enim de decimis agitur procedi debet firmarie et de plano ac sine iudicorum strepitu et figura idcirco frater Henricus Aleman canonicus et procurator ac procuratorio nomine religiosus uirorum abbatis et conuentus monasterii sancti Stephani dyuionensis coram uobis uenerabile discreto uiro decano capelle diuitum de dicto Diuione iudice subdelegato in hac parte a uenerabile et discreto uiro domino decano capelle illustris principis domini ducis Burgundie de Diuione iudice a sede apostolica delegato dat proponit et exhibet in iure contra Moninum et Girardum fratres liberos Guidonis Laurenceti dicti de sancto Iohanne de Diuione et contra qualibet personam legitimam interuenientem per ipsis articulos infrascriptos In primis quod parochialis ecclesia sancti Martini in campis et de Fontanis prope Dyuione spectanti et spectare consueuerunt ab antiquo ad Albam et conuentum et monasterium sancti Stephani predictos in usus proprios eorumdem Ita quod dicti religiosi suo et monasterii sui nomine sunt et fuerunt eciam ab antiquo in possessione uel quasi dicte ecclesie iuribus et pertinenciis eiusdem aliis oblationibus et beneficiis necnon ad curam plebis dicte ecclesie dimissis ac uiginta libras dyuionenses eidem annuatim ab ipsis religiosis pro sua sustentatione datis Ita quod dicti religiosi sunt et fuerunt ac esse consueuerunt ab antiquo eidem a tanto tempore quod [] contrarium memoria non existit in possessione uel quasi iure percipiendi decimas fructuum prouenientum in finagio et parochia de Fontanis Ita quod quedam pecia uinee continens circiter septem quarteria sita in finagio de Fontanis in loco en samieres iuxta uineam Jacobi dicti prouoisot ex una parte et uineam quondam templi ex altera item et quedam alia pecia uinee circa quatuor iornalia continens sita in dicto finagio in loco dicto en chesart iuxta uineam quam tenet Guienceus dictus Chargerez ex una parte et uicum communem per quem itur de Diuione apud Talentum ex altera item et quedam alia pecia uinee circiter tria quarteria cum dimidio continens in dicto finagio sita in loco dicto proypantez iuxta uineam Girardi Auterroise ex una parte et uineam religiosorum sancti Spiritus exaltera site sunt infra parochiam et finagium de Fontanis Ita quod in singulis iornalibus dictarum uinearum conpensatione habita de uno ad aliud crescunt et crescere consueuerunt communiter singulis annis quatuor modios uini ad mensuram dyuionensem ita quod dictus Laurencetus pater quondam dictorum fratrum tempore quo uiuebat et ipsi fratres post mortem dicti eorum patris tenuerunt et excoluerunt seu excoli fecerunt dictas uineas pro duodecim annos preteritos et de fructibus qui prouenerunt in dictis uineis per dictum tempus perceperunt et habuerunt et habere et percipere potuerunt et debuerunt duodecim uigenti modios uini ad mensuram antedictam dequibus decimas non soluerunt religiosis predictis quamuis super hoc fuerint sufficienter requisiti Ita quod quilibet modius dicti uini ualuit et ualere consueuit annis communibus extimacione communi et compensacione facta uenditionis unius anni ad uendicionem alterius quadraginta solidos turonensium Item quod dicti Moninus et Girardus fratres sunt filii et heredes ab intestato dicti Laurenceti patris eorum uidelicet eorum quilibet pro media parte omnium et singulorum bonorum que remanserunt ex successione dicti Laurenceti quondam patris ipsorum Quare petit dictus procurator nomine quosupra decimam dictorum fructuum sub extimacione quadraginta solidorum pro quolibet modio pro dicta decima debito dari et solui religiosis predictis a fratribus et reis superdictis uidelicet a quolibet ipsorum reorum medietatem dicte decime ipsosque reos et eorum quemlibet sibi ad hoc per nos sinaliter condempnari et condempnatos compelli Et hoc dicit et proponit dictus procurator nomine quo supra omni iure modo et forma quilibet melius potest ius et uestrum officium in quibus expedit implorando iuris beneficio in omnibus sibi saluo addendi diminuendi corrigendi declarandi et cetera nec astringit se ad omnia premissa probenda sed solum ad ea que sibi sufficient de eisdem protestans de expensis suis propter hoc factis et faciendis et cetera petens insuper super hoc procedi summarum et de plano ac sine iudicorum strepitu et figura super quibus dies mercurii ante festum omnium sanctorum proximo uenturus nisi dies illa fuerit feriali et cetera est assignata peremptorie Diuioni coram nobis decano capelle diuionensis predicto iudice ut premittitur dictis partibus ad deliberendum ex parte dictorum reorum et ad procedendum ulterius ut uiderit Actum et datum die ueneris post festum exaltationis sancte crucis expertata a die iouis precedente cum domino Bertrando de Edua curato de Cancellis procuratore et procuratorio nomine dictorum actorum et cum dicto Monino reo pro se ac pro dicto Girardo fratre suo obligante pro et sua pro ipso de rato anno Domini millesimo CCC quadragesimo quinto G Charger de mandato Domini iudicis I de Besua