Charter Document - 05350051
| Charter Number: | 05350051 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Lay |
| Charter Type(s): | Lease |
| Date: | 1345 |
| Date type: | Internal, A.D. |
| Resource Link(s): |
|
Charter:
In nomine Domini amen anno incarnationis eiusdem millesimo trecentesimo quadragesimo quinto uicesima tertia die mensis aprilis Ego Stephanus de Uitreyo Dyuioni comorans lathomus notum facio uniuersis quod ego sum homo religiosorum uirorum dominorum abbatis et conuentus monasterii sancti Stephani Dyuionis et pro homine eorumdem me reputo pro dimidia libra cere quam dimidiam libram cere promitto per pactum expressum pro me et meis heredibus quos ad hoc obligo per iuramentum meum propter hoc ad sancta Dei euangelia data et sub obligatione omnium bonorum meorum mobilium et immobilium presentium et futurorum quorumcunque reddere et soluere quolibet anno de cetero perpetuo dictis religiosis et suis succesoribus aut mandato suo in festo beati Stephani in crastina festi natiuitatis Domini et eisdem tamquam dominis meis honorabilibus seruire et obedire et contra tenorem presentium de cetero non uenire tacite uel apperte omni exceptione contraria in hoc facto cessante et remota Uolens me heredes meos ad obseruantiam premissorum compelli [] In quorum testimonium [] Actum in presencia Hugonis Poisseneti clerici notarii Dyuione pro domino duce Iohannis de Calore et Guillelmi dicti sulot de Dyuione clericorum et testium ad hoc uocatorum anno et die predictis