Charter Document - 05350045
| Charter Number: | 05350045 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1344 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo quadragesimo quarto tresdecima die mensis nouembris ego Hugo Poisseneti de Dyuione clericus notarius dicti loci pro domino duce Burgundie notum facio uniuersis quod ego uidi tenui et diligenter inspexi ac de uerbo ad uerbum legi testamentum defuncti Guillemi de Cutigneio armigeri sanum et integrum non abolitum non cancellatum sigillo curie ducis Burgundie sigillandum in quo quidem testamento inter cetera continetur clausula que sequitur in hec uerba Item do et lego abbati conuentui monasterii sancti Stephani diuionensis uiginti solidos turonensium paruulorum comuniter currentium annui et perpetui redditus pro quodam anniuersario in eorum ecclesia pro remedio anime mee et antecessorum meorum animarum perpetuo celebrando tali die quo ab hoc seculo decedero quos autem uiginti solidos predictis religiosis pro se et successoribus eius assedeo et assigno super quamdam domum cum fundo manso et pertinentiis sitis Dyuionis in uico dicto es Riboutes iuxta domum Gileti dicti le sombeaul de Dyuione saignerii hinc et propter hoc ipsam domum cum omnibus iuribus et pertinentiis eiusdem ex nunc pono et obligo in manibus dictorum religiosorum et successorum suorum et uolo et concedo quod si heredes mei in solutione dictorum uiginti solidorum annui et perpetui redditus dictis religiosis successoribus suis anno quolibet modo premisso facienda deficere continget quod absit quod dicti religiosi et successores sui per se uel per mandatum suum ad predictas domum mansum et pertinentias auctoritate sua propria et sine reclamatione alicuius curie seu iudicis recurrant et in eadem uadiant aut ipsam teneant et possideant redditus et exitus ex eadem suos faciendo quousque de dicto deffectu solutionis sibi fuerit plenarie et integre satisfactum In cuius dicte mee uisionis testimonium ego dictus notarius sigillum curie domini ducis Burgundie presentibus litteris rogaui apponi Actum et datum anno die et mense predictis