Charter Document - 05350038
| Charter Number: | 05350038 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1343 - 1344 |
| Date type: | Internal, A.D., Feast |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo quadragesimo tertio die lune post dominicam qua cantatum fuit in ecclesia Dei iudica me ego Iohannes Brucheti de Dyuione canonicus ecclesie beate Marie belnensis omnibus presentibus et futuris notum facio quod ego do cedo concedo donatione irreuocabili facta inter uiuos ac imperpetuum quicto conuentui monasterii sancti Stephani de Dyuione pro se et eorum successoribus duas petias prati continentes duas secturas cum dimidia ad perticam sitas in praheria de Ianleyo quarum prima sita est en prey Lombart et continet duas secturas uel circa iuxta pratum heredum dicti le Bailliot hinc et nouham de prato Lombarti inde alia sita est retro molendinum de la laiche iuxta pratum Stephani clerici de Yenleyo hinc quas duas petias prati ego adquisiui a Girardo de Ianleyo clerico prout in litteris sigillo curie domini ducis Burgondie sigillatis factis super acquestum earumdem continetur Et hanc donationem facio pro eo quod prior et conuentus sancti Stephani predicti teneantur anno quolibet perpetuo in die obitus mei in eorum ecclesia facere et celebrare unum anniuersarium pro anime mee et antecessorum meorum remedio Quare ego de dictis duabus petiis prati me et meos penitus deuestio dictumque conuentum et suos successores corporaliter inuestio de eisdem Transfero enim in ipsum conuentum et suos successores quicquid iuris ego habeo habere possum et debeo in dictis duabus petiis prati et erga dictum Girardum uenditorem eius heredes et bona ratione acquestus antedicti Promittens pro me et meis per iuramentum meum et sub bonorum et heredum meorum obligatione predictas donationem cessionem et quictationem ac omnia predicta de cetero ratas et firmas rata et firma habere et in nullo contraire per me uel per alium seu alios tacite uel apperte Et uolo me compelli [] In quorum testimonium [] Actum in presentia Iohannis Lotharingi de Dyuione clerici coadiutoris Hugonis Poiseneti notarii dyuionensis Laurentii de Claustro burgensis dyuionensis Girardi Marestalli et Colini Lothoringi de Dyuione testium ad hoc uocatorum anno et die predictis