Charter Document - 05350036
| Charter Number: | 05350036 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Lay |
| Charter Type(s): | Promise |
| Date: | 1343 |
| Date type: | Internal, A.D. |
| Resource Link(s): |
|
Charter:
In nomine Domine amen Anno incarnationis eiusdem millesimo trecentesimo quadragesimo tertio mense decembris Ego Clemencius Poissenetus de Dyuione notum facio uniuersis presentes litteras inspecturis quod cum discordia seu controuersia ueneretur inter me ex una parte et religiosos uiros abbatem et conuentum monasterii sancti Stephani dyuionensis ex parte altera de et super eo quod dicti religiosi [] et asserebant se et predecessores suos esse in possessione et bona saisina uel quasi ab antiquo uiris percipiendi habendi et leuandi anno quolibet sexaginta solidos dyuionenses soluendos medietatem ad festum natiuitatis Domini et aliam medietatem ad festum natiuitatis sancti Johannis Baptiste a tenentibus et possidentibus domum meam quam ego habeo teneo et possideo in uilla dyuionense sitam in uico doleariorum prope ecclesiam sancti Michaelis iuxta domum Iohannis de Accellis dolearii hinc et domum que quandiu fuit Monini dicti couchiot et mansum meum inde prout se extendit dicta domus a dicto uico doleariorum usque ad uicum des Ribotes me econtrario dicente et asserente minime teneri in solutione facienda dictis religiosis de sexaginta solidis annualibus in et de dicta dyuionense moneta umosolum in moneta et de moneta communem cursum habente in uilla Dyuionis ad uenditionem panis et uini per terminos supradictos Ego sponte scienter et prouide concedo et conuenio ac etiam concordiam pactiones et conuenciones facio cum dictis religiosis que sequitur uidelicet quod ego [] et in antea pro me et meis heredibus dictis religiosis et eorum successoribus reddam saluam ac causam reddere et soluere tenebor anno quolibet perpetuo ad terminos supradictos sexaginta solidos superius annotatos in et de moneta regali seu talis monete regalis qualis erit et communem cursum habebit in uilla dyuionense in et pro quolibet termino futuro terminorum pagamentorum predictorum Pro quibus quid sexaginta solidis dicte monete uolo et expresse concedo domum predictam dictis religiosis remanere et esse efficaciter obligatam Promittens pro me et meis heredibus per meum iuramentum datum ad sancta Dei euangelia et sub obligatione omnium bonorum meorum presentorum et futurorum quorumque predicta omnia et singula prout superius sunt expressa narrata et diuisa tenere attendere adimplere et inuiolabiliter obseruare eademque rata et grata habere perpetuo atque firma et contra ea seu eorum aliqua per me uel per alium non uenire seu contrauenienti in aliquo consentire facto uerbo consensu uel iure seu consuetudine aut modo alio qualicumque Renuncians si quid ex certa scientia in hoc facto sub iuramento et obligatione predictis omnibus exceptionibus rationibus et allegationibus tam iuris quod facti quas pro enumeratis singulariter et expressis habere uolo ac si de qualibus earum in presentibus fecerent mentio specialis que michi uel herebibus seu successoribus meis quantum adueniendum contra premissa uel eorum aliqua possent competere uel prodesse et precipue iuridicenti generalem renunciationem non ualere Ad quorum premissorum omnium et singulorum obseruantiam me uolo compelli [] In quorum testimonium [] Actum in presentia Hugonis Poisseneti notarii dyuionensis Guidonis Cosseneti de Flureyo clerici et Iohannis de Acceyo testium ad hoc uocatorum Anno et mense predictis