Charter Document - 05350028
| Charter Number: | 05350028 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1343 |
| Date type: | Internal, A.D., Feast |
| Resource Link(s): |
|
Charter:
Uniuersis presentes litteras inspecturis nos frater Petrus humilis prior claustralis totusque conuentus monasterii sancti Stephani de Diuione notum facimus quod nos tradimus et concedimus ad censam Guillemete de Anonna Diuione commorante ad uitam ipsius tantummodo de quadam domo pertinente ad nos et conuentum predictum sita Diuione ante domum corueye prope pautacium quod est ante ecclesiam fratrum minorum iuxta uiam communem hinc et locum publicum qui dicitur li monnoie inde ea que secuntur uidelicet caminum cum streuia subtus sitam a parte loci dicti la monnoie cameras retro prout se ingerunt de grosso dicti camini a uico anteriori usque ad mansum liberorum dicti ou poissenier retrositum pro precio anno quolibet uiginta quatuor solidorum monete communiter currentis Diuione ad uenditionem panis et uini tempore solutionis eorumdem quos uiginti quatuor solidos dicte monete dicta Guillemeta quandiu uixerit anno quolibet de cetero nobis aut mandato nostro ad opus pictantiarii nostri conuentus predicti ad dominicam bordarum reddere et soluere necnon predicta sibi tradita manutenere de omnibus rebus necessariis ad eadem suis expensis tenebitur Promittentes bona fide et sub uoto religiose nostre Guillemete quandiu uixerit contra omnes garantire deffendere et in pace tenere ita quod si paires que est inter dictum caminum et caminas eidem contiguas et aliam portionem dicte domus in futurum reparaterie indigebat in hoc casu dicta Guillemeta medietatem missionum factarum ob reparationem huiusmodi solutione tenebitur In cuius rei testimonium sigillum nostrum presentibus litteris duximus apponendum Actum et datum die dominica in quindena festi apostolorum Petri et Pauli Anno Domini millesimo trecentesimo quadragesimo tercio