Charter Document - 05350027
| Charter Number: | 05350027 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1343 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo quadragesimo tertio mense iunii Nos Stephanetus le colloin Dyuioni commorans furnerius et Iaqueta eius uxor notum facimus uniuersis presentes litteras inspecturis quod nos uidelicet ea Iaqueta predicta de laude consensu et auctoritate dicti Stephaneti mariti mei ad censam retinemus ad uitam nostram et superuiuentis ex nobis a religiosis uiris abbate et conuentu monasterii sancti Stephani dyuionensis furnum dictorum religiosorum nominatum furnum sancti Michaelis unacum domo manso et pertinentiis eiusdem sitis Dyuione prope ecclesiam sancti Michaelis retro domum Uillemeti le uertuoux iuxta cheminos communes hinc et domum Iohanete relicte Richardi Preporia inde precio quolibet anno sex librarum monete currentis communiter tempore solutionis earumdem ad uenditionem panis et uini in uilla dyuionense [] dicte monete tenemur ex pacto et promictimus per iuramenta nostra data ad sancta Dei euangelia et sub obligatione omnium bonorum nostrorum mobilium et immobilium presentium et futurorum quorumcumque reddere et soluere dictis religiosis seu eorum certo mandato latori presentium quolibet anno ad uitam nostram et superuiuentis ex nobis quamdiu uixerimus [] ad festum natiuitatis Domini Et cum hoc tenemur et promictimus reddere et soluere quolibet anno quamdiu uixerimus et alter nostrorum superuixerit dictum fornum decano et capellano capelle domini ducis Bugundie de Dyuione debitum quod furnum cum domo et edifficio eiusdem tenemur et promictimus manutenere nostris propriis missibus et expensis de omnibus necessariis ad easdem uolentes et concedentes quod si nos aut super umeris ex nobis quod absit defficere contingerit in premissis aut in aliquo eorumdem quod dicti religiosi ad predictum furnum cum domo manso pertinente recurrant recurrere possint et debeant tanquam ad rem suam propriam et si nos aut superuiuens ex nobis deffecerimus in premissis uel in aliquo eorumdem propter quod dicti religiosi aliqua dampna interesse missus et expensa fecerint sustinuerint seu incurrerint huiusmodi dampna interesse missus et expensa tenemur et promittimus sub iuramento et obligatione predictis prefatis religiosis reddere et plenarie ressortire omnibus exceptionibus iuris et facti super hoc cessantibus penitus et remotis Et uolumus nos compelli [] In quorum testimonium [] Actum in presentia Hugonis Poisseneti notarii dyuionensis Iohannis dicti de Besua de Dyuione clerici Clemencii dicti de campis de Salina et Guieneti dicti Chargeret de Dyuione clerici testium ad hoc uocatorum Anno et mense predictis