Charter Document - 05350021
| Charter Number: | 05350021 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1342 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo quadragesimo secundo mense octobris ego Odeta minor filia quondam dompni Petri dicti de Besua quondam burgensis diuionensis notum facio uniuersis presentes litteras inspecturis quod ob affectionem quam habeo erga ecclesiam beati Stephani diuionensis do cedo et concedo Deo et conuentui religiosorum dicte ecclesie pro remedio anime mee et pro anniuersario meo in eadem ecclesia quolibet anno de cetero perpetuo celebrando sexdecim solidos turonensium censuales quos habeo super quandam cameram sitam Dyuioni in uico carbonerie iuxta domum Bertholometi Chauchardi hinc et iuxta mansum domini ducis inde et debentur quolibet anno ad festum natiuitatis Domini michi a Bertholometo dicto de Besua de Dyuione michi saluo et retento quandiu uixero in humanis usufructu eorumdem seu in eisdem Promittens per iuramentum meum datum super sancta Dei euuangelia et sub obligatione omnium bonorum meorum quorumcunque contra tenorem presentium decetero non venire tacite vel apperte In hoc facto omnibus exceptionibus doli mali vis metus lesionis et circonuentionis barris et cauillationibus quibuscunque renunciando penitus et expresse et ad premissa tenenda uolo me compelli [] In quorum testimonium [] Actum in presencia Hugonis Poisseneti notarii dyuionensis pro dicto domino duce Iohannis filii quondam Obeleti dicti de Besua et Iohannis de Aceyo clerici clericorum testium ad hoc vocatorum anno et mense predictis