Charter Document - 05350020
| Charter Number: | 05350020 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1342 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo quadragesimo secundo octaua die mensis octobris ego Odeta minor filia quondam dompni Petri dicti de Besua de Dyuione notum facio uniuersis presentes litteras inspecturis quod consideratis quam plurimis beneficiis et curialiter michi ab religiosis uiris abbate et conuentu monasterii sancti Stephani diuionensis factis et impensis necnon pro eo quod ipsi religiosi michi dare reddere et soluere promiserunt singulis ebdomadis quandiu uitam duxero in humanis dumtaxat uiginti octo michas panis albi conuentualis cum secundum Deum nullum bonum absque remuneratione condigna irremuneratum debeat pertranssire ego sponte scienter et prouide in remunerationem predictorum seruitiorum ac pro remedio anime mee do quicto cedo et remicto perpetuo prefatis religiosis pro se et suis successoribus unam eminam bladi per medium frumenti et auene quam michi debebant annui et perpetui redditus ipsi religiosi super suam domum Dei de Broichone Do etiam cedo concedo et quitto predictis religiosis causa predicta quadraginta solidos monete communiter currentis in uilla dyuionensis ad uenditionem panis et uini tempore solutionis eorumdem annui et perpetui redditus ab heredibus meis post mei decessum eisdem annis singulis in festo natiuitatis Domini persoluendos sub pena seu emenda duodecim denariorum dicte monete pro qualibet ebdomada ultra dictum terminum quos quidem quadraginta solidos reddituales ex nunc assedeo et assigno perpetuo super domum meam sitam apud Dyuionem in uico corrigiarie iuxta domum decani et capituli capelle domini ducis Burgondie de Dyuione hinc et domum Hugoneti Quaroymeentrant burgensis dyuionensis inde pro recurrendo a dictis religiosis post mei decessum tenendo et possidendo exitus ex eadem suos faciendo et hostia admonendo quousque de deffectu dicte solutionis eisdem religiosis fuerit integre satisfactum hoc tamen saluo et retento heredibus meis quod si dicti heredes mei post dictum decessum meum aut a me causam habentes dictos quadraginta solidos reddituales alibi in uilla dyuionensis predictis religiosis sufficienter assignauerint seu assederent dicta domus et dicti heredes mei seu a me causam habentes a solutione et prestatione dictorum quadraginta solidorum liberantur et ab ipsis quadraginta solidis erga dictos religiosos immunes reputantur Promittens per iuramentum meum datum propter hoc ad sancta Dei euuangelia et sub obligatione omnium et singulorum meorum bonorum heredum meorum et bonorum eorum quictationes et donationes huiusmodi tenere et inuiolabiliter perpetuo obseruare et non contra facere dicere uel uenire quomodolibet in futurum tacite uel apperte In hoc facto omnibus iuris et facti exceptionibus deceptionibus barris et allegationibus que contra tenorem presentium dici possent de cetero uel opponi iurique generalem renunciationem reprobanti penitus renunciando Et ad premissa tenenda uolo me compelli [] In quorum testimonium [] Actum in presentia Hugonis Poisseneti notarii dyuionensis Iohannis filii quondam Obeleti dicti de Besua et Iohannis de Aceyo Dyuioni commorantium clericorum testium ad hoc uocatorum et rogatorum anno die et mense predictis