Charter Document - 05350019
| Charter Number: | 05350019 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Lay |
| Charter Type(s): | Mandate |
| Date: | 1342 |
| Date type: | Internal, A.D., Feast |
| Resource Link(s): |
|
Charter:
Officialis lingonensis presbiteris de Seneceyo et omnibus aliis nobis subditis hec uisuris salutem in Domino Cum in causa decimali que nuper coram nobis utebatur inter religiosos uiros abbatem et conuentum monasterii sancti Stephani dyuionensis actores ex una parte et Hugonem dictum de Louaise de Seneceyo predicto reum ex altera parte per nostram deffinitiuam sententiam pronunciauimus et ipsum Hugonem reum condempnauimus ad dandum et soluendum ipsis religiosis decimam sexties centum gerbarum frumenti ex quibus potuerunt excuti sex amine frumenti ad mensuram dyuionensem necnon et decimam sexties centum gerbarum auene ex quibus potuerunt excuti sex amine auene ad dictam mensuram que prouenerunt et exteruerunt in terris dicti Hugonis sitis in perochiatu de Cutigneyo uidelicet in territorio de dicto Seneceyo uidelicet in quadam sua petia terre in dicto territorio de Seneceyo sita inter terram dictorum religiosorum ex una parte et cheminum publicum ex altera prout hec in litteris diffinitiue supra nostre supradicte signo nostro cereo et magno sigillo curie lingonensis signatis et sigillatis plenius uidimus contineri hinc et quod uobis et uestrumque cuilibet qui super hec a latore presentium fueritis requisiti auctoritate nostra ordinari precipimus per presentes et mandamus quatenus dictum Hugonem ex parte nostra peremptorie et canonice moneatis ut ipse infra unum mensem a die monitionis huiusmodi eidem pro uos faciende communie sequentem cuius mensis octo primos dies pro primo octo secundos pro secundo et reliquos pro tertio et peremptorio termino ac monitione canonica eidem assignamus et vos ipsi loco nostri assignetis det tradat et soluat deciam dictorum sexties centum gerbarum frumenti ex quibus possunt excuti sex amine frumenti et dictorum sexties centum gerbarum auene ex quibus possunt excuti sex anime auene ad eandem mensuram religiosis supradictis Alioquin nisi nobis de solutione predicta constiterit nos ipsum Hugonem elapsos dictos mense et terna monitione ut ex nunc et ex nunc ut extunc in hiis septis excommunicamus excomunicatum publice nunciatis quiquid de premissis feceritis nobis litteratorie rescribatis necnon diem qua monitionem ternam facietis tamen die non feriali Datum die ueneris post festum beati Mathei apostoli anno Domini MCCCXL secundo