Charter Document - 05350016
| Charter Number: | 05350016 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1342 |
| Date type: | Internal, A.D., Feast |
| Resource Link(s): |
|
Charter:
In nomine Domini amen Anno incarnationis eiusdem millesimo trecentesimo quadragesimo secundo mense augusto uidelicet die sabbati in festo beati Laurencii nos Iohannes Aubrieti de Dyuione archidiaconus dyuionensis in ecclesiam lingonensem notum facimus uniuersis quod nos considerato commodo nostro euidenti facimus excambium perpetuum seu permutationem perpetuam cum religioso uiro fratre Hugone le deschaut canonico monasterii sancti Stephani dyuionensis et priore prioratus de Fauerneyo ad dictum monasterium millo medio pertinentis in hunc modum uidelicet quod pro eo quod dictus prior causa permutationis faciende nobis tradidit deliberauit et quictauit in hereditatem perpetuam unam secturam prati sitam in preria de Lampogne ubi dicitur in prato sancto que sectura partitur a prato nostro hinc et inde et eandem nobis garantire promisit quictam et liberam pro garda sua nos ob eandem causam exnunc tradimus deliberamus et quictamus in hereditatem perpetuam prefato priori pro se et suis successoribus unam aliam secturam prati sitam in dicta preria prope dictum pratum situm iuxta pratum religiosorum Morismontis et Guillelmi de Menans scutifferi hinc et iuxta pratum Iohannis filii quondam Perelli Bourroise de Dyuione inde de qua quid sectura prati pro nobis nostris heredibus nos deuestimus et dictum priorem pro se et suis successoribus corporaliter inuestimus tenore presentium perpetuo de eadem Promictentes pro nobis et nostris heredibus per iuramentum nostrum datum propter hoc ad sancta Dei euangelia et sub obligatione omnium et singulorum bonorum nostrorum quorumcumque predictam secturam prati a nobis ut dictum est et causa predicta dicto priori sic traditam eidem priori et suis successoribus liberam pro custodia sua contra omnes perpetuo garantire facere in pace tenere et in nos lictis onus suscipere causamque deffendere nostris propriis sumptibus et expensis si qui calumpniatores quod absit apparerent quumcito quociens et quacumque parte lictis super hoc fuerimus requisiti nec non facere et prestare quicquid in causa euictionis fieri debet et prestari Et ad premissa tenenda uolumus nos compelli [] In quorum testimonium [] Actum in presencia Hugonis Poisseneti clerici notarii dyuionensis pro dicto domino duce Uillermeti Bouhardi de Talento et Perini Uanuereul de Fauerneyo testium ad hoc uocatorum et rogatorum anno mense et die predictis