Charter Document - 05350013
| Charter Number: | 05350013 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1342 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo quadragesimo secundo sexta die mensis iulii Ego Hugo filius Renaudi Barberii de Dreis notum facio uniuersis quod ego accipio et retineo in emphiteosim a religiosis uiris abbate et conuentu monasterii sancti Stephani dyuionensis quandam peciam uinee continentem tria quarteria cum dimidio et cum una perthica sita in finagio dyuionense in magno campo Renaudi iuxta uineam Perelli pelliparii de Chaignayo huic et iuxta unieam uxoris Uillemeti de Curia Arnulphi inde pro decem solidis et sex denariis dyuionensium aut moneta currente pro tempore de quo erit in occasione dictorum religiosorum quam uineam perpetuo emi a Gelieto de Darois Diuioni commorante pro certo precio in litteris super hoc confectis sub sigillo curie domini ducis Burgondie qui Gelietus eam ab ipsis religiosis in emphiteosim retinuerat pro dictis decem solidis et sex denariis redditualibus soluendis quolibet anno die dominica post festum Assumptionis beate Marie uirginis sub pena trium solidorum dicte monete de emenda pro quolibet deffectu solutionis dicti redditus et sub certis condicionibus in dictis litteris contentis Quos decem solidos et sex denarios dicte monete promitto et pactum per iuramentum meum propter hoc ad sancta Dei euangelia corporaliter datum pro me et meis heredibus quod ad hoc obligo et sub expressa obligatione dicte uinee reddere et soluere quolibet anno decetero perpetuo dictis religiosis et successoribus suis aut mandato suo ad terminum predictum sub pena predicta et sub condictionibus in dictis litteris supradicta retentione a dicto Gelieto facta confectis contentis Et contra tenorem presentium decetero non uenire tacite uel apperte omni exceptione contraria in hoc facto cessante penitus et remota Uolens me compelli [] In quorum testimonium [] Actum in presencia Hugonis Poisseneti clerici notarii dyuionensis pro dicto domino duce Auxerici de Gisseyo Diuioni morantis et Iohannis le buchet de Diuione testium ad hoc uocatorum anno et die predictis