Charter Document - 05350012

Uniuersis presentes litteras inspecturis officialis lingonensis salutem in Domino Noueritis quod Huo de Maisuillero clericus curatus lingonensis quondam procurator et procuratoris nomine religiosorum uirorum abbatis et conuentus monasterii sancti Stephani dyvionensis traxit Hugonem coram nobis officiale predicto Hugonem de Louuoise domicellum apud Seneceyum commorantem et contra ipsum Hugonem libellum suum edidit coram nobis in hunc modum dicit et proponit in iure coram nobis officiale lingonense Huo de Maisuillero clericus curatus lingonensis procurator et procurator nomine religiosorum iurorum abbatis et conuentus monasterii sancti Stephani Dyuionis contra Hugonem de Louuoise domicellum apud Seneceyum commorantem reum pro parochialis ecclesia de Cutigneyo cum capella sua de Seneceyo predicto spectari et spectare consueuerunt etiam ab antiquo ad monasterium sancti Stephani predictum pleno iure et in usus proprios dicti monasterii sunt quibus et sunt dicti religiosi nomine sui monasterii in possessione dictarum ecclesie et capelle iurium et pertinentiarum earumdem et specialiter iuris percipiendi decimas fructuum peruenentium in terris et ex terris infra fines parochie ecclesie et capelle predictarum ac etiam infra fines territoriorum seu finagiorum uillarum de Cutigneyo et de Seneceyo predictarum sitis et quod dictus reus anno isto percepit collegit habuit pro se seu alium eius nomine de fructibus qui peruenerunt et exierunt in terris et ex terris sitis infra fines parochie predicte et infra finagium seu territorium de Seneceyo predicto et specialiter in quadam pecia terre sita in dicto finagio iuxta terram religiosorum uirorum predictorum ex una parte et cheminum publicum ex altera sexaginta gerbas frumenti ex quibus extrahi poterant et debebant duodecim emine frumenti ad mensuram dyuionensem Item in et ex quadam alia pecia terre sita in dicto finagio iuxta terram hospitalis dyuionensis ex una parte et cheminum publicum ex altera mille gerbas auene ex quibus poterant et debebant seu possunt et debent extrahi uiginti emine auene ad dictam mensuram de quibus decimam non persoluunt dictis religiosis ut tenetur immo sibi retinuit et retinet in anime sue periculum et dictorum religiosorum dampnum non modicum et grauamine quare petit dictus procurator nomine quo supra decimam predictorum fructuum solui et reddi dictis religiosis a reo predicto ipsum quolibet sibi reum ad hoc per nos similiter condempnari et hec dicit et petit dictus procurator quo supra contra dictum reum iuris beneficio in omnibus sibi saluo addictum dominum mutandi corrigendi declarato specifice et cetera protestans de expensis suis factis et faciendis non astringi se et cetera lite igitur ex parte dicti Hugonis superdicto libello legitime contestata in hunc modum premissa protestatione ex parte Hugonis de Louuoise domicelli rei de remptundine et in sufficienti libelli edicti ex parte religiosorum uiorum abbatis et conuentus monasterii sancti Stephani dyuionensis actor et de suis peremptor et aliis suis rationibus loco et tempore proponendis quodlibet litis contest sibi non nocet nisi de iure sit prefato libello respondendum et quod probata contra ipsum non ualeant nisi quater de iure ualere poterint et debebunt omnia et singula in dicto libello contenta per predictos religiosos proposita et narrata prout proponuntur et narrantur et ad finem ad quam tendunt litem contestando negat dictus reus uera esse dicens petita si non debere peremptor proponendo quod in uilla et finagio de Seneceyo pro decima et loco decime non debentur infra octo gerbe de centum gerbis et non tenentur soluere possessores terrarum ad decimam infra octo gerbas ad centum dicit etiam dictus reus quod est consuetudo notoria et legitime prescripta in dicta uilla et finagio de Seneceyo quod possessores terrarum in finagio de dicto Seneceyo soluunt decimam fructuum suorum in quo campo seu in qua terre pecia ipsi uolunt scilicet de centum tribus octo et de hoc sunt dicti reus et possessores terrarum in bona possessione et saisina a tanto tempore de quo in quorum memoria existit Item dicit dictus reus quod dictam decimam de centum octo de fructibus presentis hiis terris de Seneceyo anno isto de quo est questio ipse seu ius certum mandatum soluit bene et legaliter ipsis religiosis seu querentibus et portantibus dictam decimam et eorum mandatis excepto quod de una quadrigaria non soluit pro defectu querentis dictam decimam in quaquidem quadrigaria uel quinquaginta ad plus gerbe et quod antequod dictus reus esset citatus et post presentauit dictis religiosis et eorum mandatis more solito et quo supra de dicta quadrigaria scilicet de quadraginta uel quinquaginta gerbis de centum octo et quod erat et adhuc est persoluendi dictus reus totus presto et quod de hiis est uox et fama in dicta uilla et finagio de Seneceyo et locis circumuicinis et ea conffessi sunt dicti religiosi uera esse quare petit dictus reus modo et forma quibus melius potest et debet de iure et consuetudinis ab impetitione dictorum religiosorum per uos sinaliter absolui dictos religiosos in expensis suis legitimis ob hoc factis condempnari et condempnatum compelli causis et rationibus antedictis ius et uestrum officium implorando et cetera offerens se probaturum que in facto consistunt non astringere se et saluo sibi iuris beneficio in omnibus et cetera protestans de expensis suis et cetera litem etiam ex parte dicti Huonis procuratoris ipsorum religiosorum super propositis ex parte dicti rei ad sui deffentionem in hunc modum proposita peremptor ex parte procurator dicti rei nomine quo supra ad sui deffentionem inquantum sunt de iure admittenda negant et negat esse uera dicens ea proponi non debere proponens etiam quo supra nomine quod extolentes terras in dicto finagio et parochia et fructus percipientes ex eis consueuerunt communiter soluere dictis religiosis seu eorum mandato duodecimam gerbam pro decima et nomine quod offert se nomine quo supra probaturum si negatur a parte aduersa petens hoc a nobis admitti et a parte aduersa respondi petens in super super negatis hinc et inde de calumpnia iurari non solum per procuratorem dicti sed rei etiam per dictum reum principale et per ipsum reum responderi positionibus super hoc ex parte dictorum religiosorum ponendis cum ipse reputetur legalior et honestior et melius sciat facti ueritatem quam Regnaudus procurator suus predictus ipsis quoque ultimo ex parte dicti Huonis procuratoris propositis ex parte dicti rei litem contestando negatis prestite hinc inde de calumpnia in dicta causa iuramento positionibus hinc et inde in ipsa causa positis et responsionibus ad eas hinc et inde subsecutis pluribus testibus hinc et inde in ipsa causa productis eorum attestationibus inscriptis redactis et publicatis quibusdam rationibus seu exceptionibus ex parte dicti rei contra testes et eorum dicta pro parte dictorum religiosorum productos quibus extitit pro parte ipsorum religiosorum replicam responsum certa qualibet die assignata ad interloquendum a nobis utrum proposita ex parte dicti rei forent admictenda necne nostram interlocutoria super premissis protulimus in hunc modum In nomine Dei amen de bonorum uirorum et iurisperitorum consilio uisis actis et processibus huius cause iuris rationibus et que exactis cause perpendi possunt usque ad finem nostro iudicio reseruatis ea que facta fuit quibus sufficient ex parte dictorum religiosorum confitendo uel negando non est responsum proposita per dictum reum contra testes dictorum religiosorum modo et forma quibus proponuntur et ad finem ad quem tendunt propter earum obscuritatem generalitatem et ineptundinem non esse admictenda et ea non admittimus interloquendo pronunciamus expensum in fine litis reseruantes Concluso quod postmodum et renunciato in dicta causa pluribusque diebus ad diffiniendum a nobis indicta causa assignatis et tandem die mercurii post festum apostolorum Petri et Pauli assignata peremptorie Hugone coram nobis hora prima dictis partibus ad diffiniendum seu ius dicendum a nobis ut prius in ipsa causa ipsa die hora prima dictis partibus uidelicet dictis religiosis per Nicolaum Huonis de Maisuillero clericum curatum lingonensem procuratorem suum dicto quoque reo per Regnaudum de Pontallia Dyuioni comorantem procuratorem suum nominibus procuratorum dictarum partium et pro ipsis in iudicio coram nobis comperentibus et cum iustam diffinitiuam sententiam a nobis in dicta causa feri postulantibus nos uisis actis et processibus dicte cause et omnibus aliis que nos de iure mouere poterant et debebant habito super hiis consilio cum peritis solum Deum habentes pre oculis sedentes pro tribunali nostram diffinitiuam sententiam super premissis protulimus in hunc modum In nomine Dei amen de bonorum uirorum et iurisperitorum consilio uisis actis et processibus huius cause dictum reum ad dandum et soluendum decimam sexties centum gerbarum frumenti ex quibus potuerunt excuti sex amine frumenti necnon decimam sexties centum gerbarum auene ex quibus potuerunt excuti sex amine auene ad mensuram dyuionensem que peruenerunt et exteruerunt in dictis peciis terre dictis religiosis per nostram deffinitiuam sententiam condempnamus in hiis scriptis in residuo uero petitionis dictorum religiosorum ipsum reum per eandem sententiam absoluentes partem alteram alteri in quantum subcubuit in expensis legitimis ob hoc factis condempnamus quare taxationem nobis imposterum reseruamus In cuius rei testimonium sigillum curie lingonensis presentibus litteris duximus apponendum datum et actum dicta die mercurie cum comperentibus ut dictum est anno Domini millesimo trecentesimo quadragesimo secundo dictus Nicolaus quo supra nomine imp Andreas servi de Lingonis