Charter Document - 05350011

In nomine Domini amen Anno incarnationis eiusdem millesimo trecentesimo quadragesimo secundo quarta decima die mensis aprilis Nos fratres Petrus sancti Benigni et Renaudus sancti Stephani dyuionensis lingonensis diocesis monasteriorum abbates eorumdemque locorum conuentus notum facimus uniuersis presentibus et futuris quod cum monasteria nostra predicta quamuis per predecessores nostros multiplicis fraternitatis uinclo sint coniuncta tamen propter lictes et controuersias quas hactenus inimicus homo seminauit inter nos et predecessores nostros grauia sustinuerint incommoda multaque pericula et scandala nobis et predecessoribus nostris tam in personis quam rebus exinde peruenerunt et grauiora imposterum timentur Nos dilectionem et fraternitatem a maioribus nostris statutam inter nos augmentari et nunquam minui cupientes conuocatis et conuentibus ad sonum campane in capitulo ut moris est omnibus qui ad hoc uocari debuerunt habito etiam super hoc diligenti tractatu uidentes hoc cedere ad nostras ecclesias commodum et quietem permictatores declaratores et transactores infrascriptas facimus super rebus et iuribus ex quibus erat dissensionis fomentum inter nos In primis ut dissensiones quas bonorum iurium communio suscitare consueuit eorum discreta separatione tollatur Nos abbas et conuentus sancti Stephani predicti pro nobis et successoribus nostris cum perochiales ecclesie sancti Iuliani de Oigneyo Clenayo et de Coicheyo in montana ad nos spectent pro decimas uinorum et bladorum quas abbas et conuentus sancti Benigni predicti habebant habere et percipere consueuerunt in uilla et finagio de Coicheyo nec non in uillis et finagio de Oigneyo de Clenaio et de Bretigneyo damus cedimus et concedimus eisdem omnes censiuas quas habemus in finagio de Ruffeyo sito in parochia ecclesie de Eschireyo ad ipsum monasterii sancti Benigni pertinenti Item quicquid habemus tenemus et possidemus in uillis suis de Curia Arnulphi et de Chaigneto et eorum finagio tam in hominibus mansis tailliis costumis galinis iusticia magna parua redditu bladi quem habemus et dicebamus nos habere tam super tertias quam molendina dicte uille de Curia Arnulphi ex quacumque causa nobis debito recipiendo in grangia de Chaigneto seu alibi excepto stagno de Lamprey cum pratis et terris quos habemus iuxta ipsum stagnum Item eis tradimus quicquid habemus in nemore quod uocatur nemus domini Uillemi sito prope stagnum Varoies cum omnibus iuribus et pertinentibus predictorum Nos uero abbas et conuentus sancti Benigni predicti pro nobis monasterio nostro et successoribus nostris pro rebus predictis quas nobis dant abbas et conuentus sancti Stephani predicti nos damus cedimus et concedimus eisdem decimas uinorum et bladorum et totum ius decimandi quas et quos habemus in uillis et finagio de Oigneyo de Clenayo et de Bretigneyo ac in tota parochia sancti Iuliani ac etiam decimas uinorum et bladorum quas percipere consueruimus in uilla et finagio de Coicheyo decimis de Marcennayo nobis saluis et retentis Item damus cedimus et quictamus eisdem omnes censinas bladi uini et pecunie quas nos abbas sancti Benigni habemus tenemus in uillis et finagio predictis necnon in uillis et finagio de Broichone de Fixeyo et de Fixins spectantibus ad mensam nostram ita quod si conuentus aut aliquis obedienciariorum monasterii nostri per se aliquas censinas seu decimas in dictis locis percipere consueuit sibi remaneant nec per hoc in dictum monasterium sancti Stephani transferentur Item damus quictamus eisdem quicquid iuris tam dominii quam iuridictionis alte et basse habemus et habere possumus quoquomodo in nemore quod uocatum nemus de Petro quod partitur pro indiuiso cum dictis religiosis sancti Stephani Item damus et quictamus eisdem tres eminas bladi quas sacrista monasterii nostri predicti percipere consueuit in molendino de Lemprey ad monasterium sancti Stephani pertinente necnon quadraginta solidos turonensium annui redditus quos habemus super quandam peciam terre site in finagio dyuionense ubi dicitur en Bray iuxta terram nostram ex una parte et est contornum plurimarum terrarum ex parte altera quam peciam terre tenebat Iacobus Martini tempore quo uiuebat quictamus eciam eisdem octo libras annui redditus in quo dicebamus ipsos nobis teneri uirtute cuiusdam compositionis inter nos et ipsos olim facere super iure piscandi in bisso quod est ab exclusis molendinorum suorum usque ad molenninum Bernardi et litteras super hoc confectas uolumus nullius esse ualoris super limitatione uero finagiorum uillarum nostrarum de Curia Arnulphi et de Cutigneyo est concordatum et eciam declaratum in hunc modum uidelicet quod a quodam grosso lapide existenti in aqua descendenti a molendino de Lamprey in fundo dicte aque tendente ad quandam aliam metam que est sita in uia seu itinere per quod itur a dicto molendino apud Curiam Arnulphi et ab illa meta ad aliam que est sita uersus unam grossam salicem et ab illa usque ad illam que respicit et tendit desuper stagnum ad aliam metam positam ultra stagnum et ab illa meta usque adalias metas que sunt et tendent uersus le Baumont usque ad pontem qui dicitur pons Cheranx et ab illis uero metis sic positis quicquid est uersus seu ex parte Cutigneii est de finagio et iusticia de Curia Arnulphi Actum est eciam et declaratum inter nos abbates conuentus predictos quod nos abbas et conuentus sancti Stephani predicti poterimus pingare arneyum seu bissum aque proueniente a Curia Arnnlphi ad stagnum et molendinum de Lamprey et proide terram iuxta alneum et super rippam alnei seu bissi et resumere seu reducere aquam ad alneium suum si quocumque casu rumpetur ad Curiam Arnulphi Hec autem omnia et singula superadicta promictimus nos dicte presentes et quelibet nostras prout cuibus parti competit competere potest et debet pro nobis et successoribus nostris bona fide et sub uoto religionis nostre et sub obligatione omnium bonorum nostrorum et dictorum monachorum nostrorum temporalem firmiter tenere et inuiolabiliter obseruare et a se tradicta parti alteri garantire et facere in pace tenere et contra tenorem presentium decetero non facere dicere uel uenire infuturi Renunciantes in hoc facto ex certa sciencia pro nobis et successoribus nostris sub fide voto et obligatione predictis exceptionibus doli mali lesionis et circonuentionis permutacionem declarationem et transactionem predictarum non legitime et ut dictum est factam conditioni sine causa uel ex iniusta causa omnis appellat remedio utrique iuri canonico et ciuili consuetudinaria et statuto fori et clerici priuilegio beneficio restitutionis in integrum canonici et attentice hoc ius porrectum iuri dicenti plus ualere quod agitur quam quod simulate concipitur omnibusque priuilegiis graciis et habitis a sede apostolica imperiali regali ac quamuis alia sede uel curia in fauorem cuiuslibet nostrorum monachorum indultis et quomodolibet indulgendis necnon omnibus et singulis actionibus exceptionibus et rationibus quas pro ennumeratis haberi uolumus expressis cum per nos steterit quominus omnes alii et singule specialiter sint expresse que nobis partibus aut alteri nostrum partium aut successoribus nostris adueniendum quam premissa uel aliquod de premissis possent aliquatenus competere uel prodesse et precipue iuridicenti gratialem renunciat non ualere Et ad premissorum []