Charter Document - 05350003
| Charter Number: | 05350003 |
|---|---|
| Cartulary Title: | Les Greffes du Parlement de Bourgogne et chartes de l'abbaye de Saint-Étienne [de Dijon], des années 1341 à 1346. |
| Charter Language: | French |
| Charter Origin: | Lay |
| Charter Type(s): | Lease |
| Date: | 1340 - 1341 |
| Date type: | Internal |
| Resource Link(s): |
|
Charter:
Jehanz Aubuoz de Dyion clerz lou duc de Bourgoingne à toutes iustices dou duché es quex ces lettres venront salut Jacoz Millez de Malliens hay cognehu par deuant Guiot Cossenot de Flurey clerc coadiutour Huguenin Poissenot tabellion de Dyion qu'il hay vendu et promot par son sairement garantir à Guiot de Gros bois dit Bourdelot et à ses hoirs dois ore iusquez à sept anz continuement ensoganz une piece de terre contenant ung journaul seant ou finaige de Veranges en la vie de Malliens delez la terre dou dit Guiot d'une part et delez la terre Jehannot Moingeart d'autre pour quarante et cinc soulz tournois dou il set tenuz pour payez de la quel piece de terre ly diz Jacoz set deuestuz et le dit achetour en hay reuestu durant le dit terme si vous mandons que vous le dit Jacot controignez à ceu faire par la prise et esploit de ses biens les quex il oblige à ceu se mestiers est doney souz lou seaul es causes de la court monseignour le duc lan mil trois cens et quarante de dornier jour du mois de marz