Charter Document - 05341066

Karolus Dei gratia Francie et Nauarre rex dilecto magistro Radulpho Scutrerii decano Mauritanense clerico nostro et bailliuis Senonensis et Masticonensis vel eorum locum tenentibus salutem et dilectionem Cum alia audita querela religiosorum virorum abbatis et conuentus Sancti Stephani diuionensis dicere cum quod commissarii nuper a nobis super facto quondam bonorum Templi jn dictis balliuiis deputati religiosos jpsos jmpetebant et compellere nitebantur ad soluandum arreragia preteriti temporis de viginti libris monete currentis jn ducatum Burgundie jn quibus deffendere frater Hugo quondam abbas dicti monasterii certis ad hoc datis fideiussoribus de soluendo eis annis singulis perpetuo preceptori et fratribus tunc domus de villa subtus Geureyum ex causa eiusdem composicionis facte dudum vt dicitur jnter dictum quondam abbatem ex vna parte et fratrem Hugonem de Paredo visitatorem generalem domorum milicie templi ex altera se obligauerit Nos auditis rationibus ex parte dictorum religiosorum coram dilectis et fidelibus gentibus compotoris nostrorum propositis jpsos religiosos ad tui bailliui Senonense predicti examinere duximus remittendos mandauerimus quod tibi vel predecessori tuo quatenus religiosos jpsos non promitteres quod premissos compelli sed fideiussores per dictum quondam abbatem propter hoc datos per viam actionis non per viam exceptionis super hiis auditis eorum rationibus et legitimis deffensionibus quod ceteres prout jpsos fideiussores ad hec esse nostras obligatos Nichilominus vos magister Radulphus contra heredes dictorum fideiussorum prout ex jpsorum querela didicimus pretextu cuidam commissionis a nobis seu nostra curia tacito de premissis obtentu per viam executionis predicti eorum bona capiendo et eciam distrahendo Quare mandamus vobis quatenus si est jta ab executione predicta penitus desistentes de quicquid dicte commissionis virtute factum sint ad statum prefactum Reducentes jpsos heredes manu nostra sufficienter munita ad dictorum bailliuorum seu alterius eorumdem videlicet illius cui jpsos juridictioni sub esse noueritis remittatis et vobis bailliuuis predictis et vestrum cuilibet mandamus et committimus per presentes quatenus jpsos heredes vocatos euocandi jn suis rationibus et legitimis defensionibus audientes jpsis exhibeatis [] et mature justicie complementum Datum Parisius decima die marcii anno domini MCCC vicesimo sexto