Charter Document - 05341045

In nomine domini amen Ego Johannes Frerouheti de Dyuione clericus filius defuncti Theobaldi Frerouheti quondam burgensis dyuionensis notum facio vniuersis quod ego volens vt anime mee animarumque parentum et antecessorum meorum memoria habeatur et vt peccatorum meorum remissio a summo Deo benignius tribuatur faciliusque paradisi gloriam consequamur in honorem Dei beateque semper virginis Marie matris eius et beati Nicholay confessoris omniumque sanctorum et sanctarum Dei facio fondo instituo et ordino quatenus possum et michi licet de iure ac per eum ad quem spectat fieri statuo et ordinari supplico duas perpetuas capellanias pro vna missa cothidiana pro defunctis pro remedio anime mee et animarum parentum et antecessorum meorum per duos perpetuos capellanos scilicet per vnum eorum vna ebdomada et per alterum eorumdem alia ebdomada sequenti in ecclesia parrochiali beati Nicholay dyuionensis perpetuo celebranda quibus quidem predictis perpetuis capellaniis et earum capellanis pro se et suis successoribus ad dictam missam deseruiendam futuris temporibus instituendam de bonis michi a Deo collatis pro sustentatione vite eorundem dono cedo et concedo in elemosinam et in hereditatem perpetuam sub modo et forma infrascriptis ea que sequuntur videlicet circa nouem iornalia terre in duabus peciis sita in finagio Dyuionis inter villam Dyuionis et capellam Sancti Martini vna iuxta terram magistri Guidonis dicti Vienere hinc et iuxta terram vxoris Johannis Dygenot inde alia iuxta terram vxoris Girardi Griffon ex vna parte et iuxta terram relicti dompni Philippi Griffonis ex parte altera Item vnam peciam terre continentem circa septem iornalia sitam in dicto finagio prope dictam capellam Sancti Martini iuxta cymiterium eiusdem capelle et iuxta terram relicte dompni Philippi Griffonis Item vnam peciam terre continentem circa sex iornalia sitam in finagio Dyuionis ad fontem iuxta terram Perroneti Pauperis hominis hinc et terram Perroneti de Gemellis inde Item vnam peciam terre continentem circa duo iornalia sitam in finagio de Dyuione iuxta terram Girardi Griffonis Item vnam peciam vinee continentem circa duo iornalia et dimidium sitam in finagio de Poilleyo iuxta vineam Johannis Valno de Dyuione ex vna parte et iuxta vineam religiosorum de Oigneyo ex parte altera Item vnam petiam vinee continentem circa vnum iornale et dimidium sitam in finagio Dyuionis de super iuxta vineam heredum Henrieti Guinaul collationem autem dictarum duarum capellaniarum et institutionem dictorum duorum capellanorum ad easdem cum omnibus iuribus et pertinentiis earundem capellaniarum volo et ordino ad venerabilem in Christo patrem dominum abbatem monasterii Sancti Stephani dyuionensis qui nunc est et qui pro tempore fuerit pertinere presentatione tamen dictorum duorum capellanorum michi quandiu vixero et post decessum meum heredi meo ex corpore meo primo genito si quem me habere contigerit quandiu ipse eciam vixerit post mei decessum vel in casu in quo heredem ex corpore meo procreatum non habuero Guioto dicto de Marcilleyo de Dyuione nepoti meo quandiu ipse solum vixerit in humanis penitus reseruata Post decessum autem mei et dicti heredis mei ex corpore meo primogeniti si quem habuero vel dicti Guioti de Marcilleyo si ad eum secundum ordinationem meam predictam presentacio predicta pertinuerit volo et ordino collationem predictam absque presentatione alicuius ad dictum dominum abbatem qui nunc est et qui pro tempore fuerit pleno iure pertinere ita scilicet quod idem dominus abbas capellanias predictas aliquibus concanonicis suis dicti monasterii conferre nec cuiquam vna cum predicta ecclesia Sancti Nicholay titulo firme seu admodiatineis tradere nec cum ipsa ecclesia Sancti Nicholay incorporare nec alibi extra dictam ecclesiam Sancti Nicholay deseruiri facere poterit vel debebit quomodolibet infuturum alioquin si dictus dominus abbas qui nunc est vel qui pro tempore fuerit vel conuentus dicti monasterii vellent aliquid admonere vel mutare de ordinatione mea antedicta aliqualiter in futurum Ego volo et ordino quod in hoc casu hereditagia antedicta ad heredes meos iure hereditario reuertantur et ad eadem tanquam sua propria auctoritate sua recurrant et eadem teneant et possideant ex tunc perpetuo infuturum item volo et ordino quod predicti duo capellani qui pro temporibus futuris dictas capellanias obtinebunt per se ipsos easdem capellanias modo quo supra deseruiant nec per alios capellanos nec in infirmitate corporis detenti easdem possint vel debeant facere deseruiri Volo eciam et ordino quod dicti duo capellani et eorum successores abbati Sancti Stephani iurare teneantur collatione eis facta modo predicto in dictis capellanis deseruire Item volo et ordino quod ad premissorum maiorem firmitatem predicti abbas et conuentus dicti monasterii Sancti Stephani super premissis faciant et fieri concedant litteras sigillis suis sigillatas que autem predicta omnia et singula facio et valere volo iure codicillorum hos presentes codicillos addendo meo testamento seu mee vltime voluntati sub sigillo curie domini ducis Burgondie confectis anno et die infrascriptis volens et ordinans predicta omnia et singula per exequtores in eodem meo testamento nominatos exequtioni plenarie demandari et quantum ad hec premissa tenenda et inuiolabiliter obseruanda volo me et heredes meos compelli quasi ex re adiudicata [] In quorum testimonium [] Actum in presencia Johannis Cultilerii de Dyuione clerici coadiutoris Johannis Rateti notarii dyuionensis discreti viri magistri Guidonis dicti Vienere iurisperiti Johannis Monieti de Fauerneyo et Perroneti de Gilleyo clericorum testium ad hoc vocatorum die lune ante festum beati Barnabe apostolici mense iunii anno domini millesimo trecentesimo vicesimo octauo