Charter Document - 05340077
| Charter Number: | 05340077 |
|---|---|
| Cartulary Title: | Essai sur la fidéjussion dans l'ancienne Bourgogne et chartes de l'abbaye de Saint-Étienne de Dijon de 1321 à 1332. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1332 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo CCC tricesimo secundo mense mayo nos Humbeletus dictus li Escornaulez de Diuione et Mariona eius filia vxor Johannis dicti Ferrant notum facimus vniuersis quod nos videlicet ego Mariona predicta de laude et auctoritate dicti Johannis mariti mei ad hoc presenti vendimus et quictamus ad vitam nostram duntaxat Jaquete dicte Labille de Diuione vnum chassum existentem in medio cuiusdam domus sitis in vico furni Quoquinorum juxta domum Jacobi dicti Clarote hinc et mansum religiosorum de Besua Item vnum thalamum jn dicta domo existentem videlicet ante dictum chassum Item medietatem vnius celerii existentem de subtus domum percosuratam aperte sancti Nicholay Item partitum in predicta domo existentem pro eundo et redeundo ad premissa dicte Jaquete a nobis vt dictam est vendita Item et medietatem vnius mansi siti retro dictam domum videlicet aperte predictorum religiosorum de Besua Hanc ante venditionem secundum precio sexaginta et sex solidorum turonensium nobis a dicta Jaqueta solutarum et deliberatorum et de quibus nos tenemus a dicta emptore plenarie pro pagatis Promittentes per juramenta nostra ad sancta Dei euuangelia corporaliter prestita et sub obligatione omnium bonorum nostrorum premissa vendita dicte emptori libere pro duodecim solidis turonensium paruorum censualibus reddendis et soluendis quolibet anno in festo omnium sanctorum religiosorum sancti Stephani dyuionensis quamdiu viximus ipsi contra omnes garantire deffendere et in pace tenere et contra tenorem presencium quamdiu viximus non venire Ego vero Johannes predictus dicte Marione maritus predictam venditionem in quantum me nomine vxoris mee predicte tangit volo ratiffico et approbo dicteque vxori mee quantum ad premissa peragenda auctoritatem meam probui [] et assensum de non veniendo contra premissa ad sancta Dei euuangelia corporaliter prestitum juramentum Et volumus nos et nostrum quenlibet prout nostrum cuilibet tangit compelli ad premissorum obseruantiam quasi [] In quorum testimonium [] Actum in presencia Johannis dicti Amee de Diuione clerici coadiutoris Johannis Rateti notarii diuionensis domini Dominici de Diuione presbiteri jn parrochiam beati Nycolay diuionensem capellam domini Theobaldi dicti Sarret presbiteri et Hueti Oleari de Salone capelle clerici testium ad hoc vocatorum anno et mense predictis