Charter Document - 05340074

In nomine domini amen Anno incarnationis eiusdem millesimo CCC tricesimo secundo mense ianuarii ego Johannes filius Perreneti Maulperti de Dyuione clericus notum facio vniuersis presentibus et futuris quod ego sponte scienter et prouide considerata super hoc vtilitate mea euidenti ac pro necessitate mea vrgenti de laude auctoritate et consensu predicti Perreneti patrismei vendo cedo concedo et quicto pro me et meis heredibus religiosis viris priori et conuentui monasterii Sancti Stephani Dyuionis pro se et suis successoribus vnam petiam vinee continentem circa tria quarteria cum dimidio sitam in finagio de Aqueductu iuxta vineam Arbeleti de Fontanis et viam communem quam quidem venditionem facio precio scilicet viginti librarum turonensium paruorum michi a dictis emptoribus solutarum traditarum et deliberatarum in pecunia bene et legitime numerata et de quibus a dictis emptoribus ne teneo plenarie pro pagato penitus et contento de qua quidem petia vinee sic vendita me pro me et meis heredibus penitus deuestio et predictos emptores inuestio perpetuo pro se et suis successoribus tenore presentium litterarum de eadem Promittens pro me et meis heredibus per meum iuramentum datum ad sancta Dei euuangelia et sub obligatione omnium bonorum meorum mobilium et immobilium presentium et futurorum predictam petiam vinee sic venditam dictis emptoribus et suis successoribus quictam pro censu et decima contra omnes perpetuo garantire deffendere et in pace tenere in iudicio et extra meis propriis sumptibus et expensis si qui calumpniatores aut contradictores super hoc apparerent in futurum Preterea ego prefatus Perrenetus Maulpertiz de Diuione pater predicti venditoris huiusmodi venditionem ac omnia et singula alia premissa prout a dicto Johanne venditore filio meo sunt contessa volo laudo confirmo et penitus ratiffico et eidem Johanni filio meo quo ad hoc do et concedo laudem auctoritatem pariter et consenssum et promitto pro me et meis heredibus per meum iuramentum datum ad sancta Dei euuangelia et sub obligatione omnium bonorum meorum contra tenorem presentium litterarum non venire per me seu alium tacite vel expresse quomodolibet in futurum Renunciantes nos ambo venditor et laudator prout cuilibet nostrum competit in hoc facto ex certa scientia et per dicta iuramenta nostra exceptionibus doli mali vis metus lesionis et circonuentionis deceptionis in aliquo premissorum modo premisso seu modo debito non gestorum venditionis predicte non legitime dicti precii non habiti et non recepti iuri per quod deceptis vltra dimidiam vel minus dimidia iusti precii subuenitur omnibusque aliis exceptionibus tocius iuris et facti que contra tenorem presentium litterarum possent obici seu dici et specialiter iuri dicenti generalem renunciationem non valere et volumus nos ad premissorum obseruanciam quasi ex re adiudicata per curiam domini ducis Burgondie cuius iuridicioni quod ad hoc supponimus nos et nostros heredes In quorum testimonium [] Actum in presentia Johannis Curtilerii de Diuione clerici coadiutoris Johannis Rateti diuionensis Odonis Chandeaul de Aqueductu et Jacobi le Maistre eiusdem loci testium ad hoc vocatorum anno et mense predictis