Charter Document - 05340067

Vniuersis presentes litteras inspecturis officialis lingonensis salutem in domino Noueritis quod in presencia Johannis Piquardi de Longo Vico clerici tabellionis nostri iurati cui quantum ad hec et maiora commisimus vices nostras propter hoc personaliter constituti Johannes dictus Bonne de Dyuione clericus filius quondam domini Hugonis Bonne confitetur quod dictus Haymo pater suus tempore quo viuebat acquisiuit plures terras et plura hereditagia sita in finagio de Corcellis in loco dicto inter quas terras ipse acquisiuit plures terras que debebant tertiam ecclesie sancti Stephani Dyuionis a pluribus et diuersis hominibus et acquisiuit de terris tertiabilibus dicte ecclesie vsque ad sexdecim iornalia que sexdecim iornalia sita sunt in finagio predicto de Corcellis quorum sexdecim iornalium quinque sunt in finagio in loco dicto erga cheminum quod tendit erga cheminum de Mileyo iuxta terram Girardi Charrteon Item in loco dicto tria iornalia iuxta terram Ginoti filii quondam Perrini clerici Item tria iornalia ibidem iuxta terram dicti au Gronart ex vna parte et terram dicti au foresteret ex altera Item in eodem finagio versus cheminum et se extendunt vsque ad Item ibidem duo iornalia iuxta terram dicti Guioti et se ingerunt vsque ad que sexdecim iornalia tenuit dictus Johannes Bonne a domino Hugone dou Pautez tertiabilia per duodecim annos et amplius et que sexdecim iornalia dictus Hugo tenet ab ecclesia sancti Stephani predicti ad vitam ipsius domini Hugonis et que sexdecim iornalia predicta dictus Johannes vult quod sint imperpetuum taliabilia dicte ecclesie hoc saluo et retento quod per presentes pactiones omnes alie terre quas olim dictus Haymo pater dicti Johannis acquisiuit et que sunt tertiabiles dicte ecclesie in tali statu quod nunc sunt quiete remanebunt Promittens idem Johannes per iuramentum suum datum ad sancta Dei euuangelia corporaliter et sub obligatione omnium bonorum suorum mobilium et immobilium presentium et futurorum quorumcunque predicta omnia et singula prout et quemadmodum sunt superius expressa tenere facere complere et inuiolabiliter obseruare et contra tenorem presentium non venire in futurum tacite vel expresse Omnibus exceptionibus iuris et facti super hoc cessantibus penitus et remotis se heredes suos et omnia bona sua qua ad hoc iuridicioni curie lingonensis et omnis alterius curie cuiuscunque ecclesiastice et secularis Datum die dominica post festum trinitatis domini presentibus Johanne dicto lou Gauloys et Johanne dou Pautez de Dyuione testibus ad hoc vocatis anno domini millesimo trecentesimo tricesimo primo quis dictus Johannes Piquardi morte preuentus predicta non prefecit sed Thomas Raolini de Luseyo clericus et super hoc a nobis vna cum Johanne Curtilerii et Guioto dicto de Sancto Johanne de Dyuione clericis cum illa clausula et eorum cuilibet insolidum commissarum deputatus ea de mandato nostro in hanc publicaui formam redegit et signo suo consueto signauit ad cuius Thome relationem sigillum dicte curie lingonensis litteris presentibus duximus apponendum in testimonium premissorum Thomas Raolini ita est