Charter Document - 05340057

En nom de nostre Seignour amen L'an de l'incarnacion d'iceluy anl trois cenz vint et nuef ou mois de maiz nous Odoz Huguenins et Girardez freres enfanz cay en arriers Perrel de Marcegnay et de Symone fille fue Hugue Sarron de Cuttigney facons sauoir a touz ces qui verront ces presentes lettres que nous recognoissons et affermons nous par nous et par nos hoirs estre hommes taillaubles et esploitaubles de l'eglise de Saint Estienne de Diion sauf toute voies que de grace especial l'abbes et li couans de la dite eglise nous hont abonniez a nos uies tanc soulemant [] de Digon les quelx nous sumes tenu paier chascun an a la feste de la Touz sains es diz religieux en non de taille tant come nous viurons et de plus ne nous porrons baillier li diz religieux tant come nous viurons Les quelx choses dessus dites nous sumes tenuz et promettons por nous et por nos hoirs par nos sairemanz corporelmant donez soz sainz euuangiles et soz l'obligation de touz nos biens tenir garder et accomplir et non contre venir et volons estre controint quant a ce auxi come de chouse adiugee par la court monsoignour le duc de Borgoigne a la jurisdiction de la quele court nous sogmettons nous nos hoirs et nos biens En tesmoignaige de la quel chouse nous hauons requis et supplie le seel de la dite court estre mis en ces presentes lettres [] Johannes de Cultirei de Diyon clerc coadiutour de Jehan le Ratat notaire de Dyion de frere Nicholas [] de Loire dou Temple et Vienot de Bene damorum [] tesmoins a ce appelez l'an et le mois dessus diz