Charter Document - 05340055
| Charter Number: | 05340055 |
|---|---|
| Cartulary Title: | Essai sur la fidéjussion dans l'ancienne Bourgogne et chartes de l'abbaye de Saint-Étienne de Dijon de 1321 à 1332. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1328 |
| Date type: | Internal, A.D., Feast |
| Resource Link(s): |
|
Charter:
Nos frater Poincardus humilis abbas monasterii Sancti Stephani dyuionensis ordinis Sancti Augustini lingonensis diocesis notum facimus vniuersis presentes litteras inspecturis quod nos vidimus et legimus quasdam litteras sanas et integras sigillis abbatis et conuentus predicti monasterii sigillatas formamque sequitur continentem Vniuersis Christi fidelibus ad quos presentium deuenerit noticia litterarum frater Amedeus abbas totusque conuentus ecclesie Sancti Stephani dyuionensis lingonensis dyocesis ordinis Sancti Augustini salutem in omnium saluatore Quum in scripturis et per scripturas jnueniuntur et dantur exampla nos volentes jura conuentus ecclesie nostre dari obliuioni sed per memoriam confirmari cum diligenti tractatu pensata vtilitate ecclesie nostre pro nobis et successoribus nostris vnanimiter et concorditer in pleno capitulo nostro ordinauimus statuimus et confirmauimus quod omnia anniuersaria in ecclesia nostra prouenta et prouentura et pictancia conuentus ecclesie nostre ad prioris et conuentus ecclesie nostre arbitrium in ipsas pictancias commutantur cum omnibus exhibitiis eorumdem anniuersariorum Et per hoc statuit abbas ecclesie nostre qui tempore fuit liber erit et jmmunis ab omnibus conuentus ecclesie nostre pictanciis serotinis Et ad huiusmodum statutum tenendum perpetuo nos et successores nostros specialiter obligauimus In quorum omnium memoriam testimonium et munimen litteris istis sigilla nostra apposuimus Actum anno domini millesimo CC septuagesimo quinto mense decembris Nos igitur Poincardus abbas supradictus totusque ecclesie Sancti Stephani conuentus vt omnia et singula predictis litteris contenta maioris habeant roboris firmitatem approbamus ratifficamus et confirmamus promittimus insuper pro nobis et nostris successoribus bona fide omnia et singule predicta inuiolabiliter obseruare nec contra predicta vel aliquod de predictis imposterum venire nec contra venire volentes consentire tacite vel aperte volentes etiam quod predicti prior et conuentus de dictis anniuersariis jam sibi legatis et legaturis imposterum prouentis et prouenturis in ecclesia nostra cum eorumdem exitibus pro dicta pictancia secundum modum et formam predictis prout melius expedire videbitur gaudeant et vtantur In cuius rei testimonium nos abbas et conuentus predicti litteris istis sigilla nostra duximus apponenda Actum in capitulo nostro die sabbati ante ramos palmarum anno domini millesimo trecentesimo vicesimo octauo