Charter Document - 05340051

In nomine domini amen Per hoc presens publicum jnstrumentum cunctis pateat euidenter quod anno eiusdem millesimo trecentesimo vicesimo octauo quinta die mensis octobris scilicet die mercurii ante festum beati Dyonisii jndicione duodecima pontificatus sanctissimi in Christo patris ac domini domini Johannis prudentia diuina pape XXII anno tercio decima in mei notarii publici et testium subscriptorum ad hoc specialiter vocatorum et rogatorum jn presencia jn claustro parisiense coram venerabili et discreto viro domino Amisio de Aurelianis decano parisiense sub delegato vt dicitur reuerendi Christo patris ac domini domini [] Dei gracia parisiensis episcopi conseruatoris vt dicitur priuilegiorum religiosorum virorum fratrum predicatorum jn prouincia Francie a sede apostolice jndulcorum ab eadem sede dari personaliter comparuit discretus vir magister Johannes Boneti de Dyuione clericus Parisius commorans procurator et procuratorio nomine fratrum Mehens de Archeyo Henrici Alemandi Johannis Goillardi Guillermi de Balneolis Johannis de Corleton Hugonis Darceris et Johannis de Buxo canonicorum monasterii Sancti Stephani de Dyuione ordinis Sancti Augustini lingonensis diocesis et ab eodem domino decano primo secundo et tertio et jnstanter petiit nomine quo supra appellos sibi dari super quamdam appellationem ab ipso nomine quo supra jnterpositam ad reuerendum jn christo patrem dominum episcopum parisiensem supradictum contra priorem et conuentum fratrum predicatorum de Dyuione quiquidem decanus sic [] quod satis habebat de tempore super quibus idem procuratorio nomine quo supra sibi per me dictum notarium publicum petiit fieri et tradi publicum jnstrumentum Acta sunt hec anno die mense jndictionis loco et pontificatu predictis Presentibus ad hec Egidio Allorum et Hugone dicto Delalahaye de Dyuione clericis testibus ad hec vocatis specialiter et rogatis Preterea anno mense jndictione et pontificatu predictis septima die mensis predicti jn claustro parisiense circa horam terciam jpsius diei jdem procurator nomine quo supra jnstanter petiit primo secundo et tercio super appellationem predictam ab eodem domino decano appellos sibi dari qui decanus eidem procuratori prefixit terminum ad dandos appellos tales quales de jure debet vltimam diem temporis a jure statutum Presentibus magistro Nicolao de Villanis et Moneto de Arceone clericis testibus ad hec vocatis specialiter et rogatis Item vicesima die dicti mensis anno jndictione et pontificatu predictis ad banam jn claustro parisiense coram dicto decano personaliter comparuit jdem procurator et appellos nomine quo supra ab eodem domino decano petiit jnstanter et jnstantissime sibi dari qui decanus sic dixit appellationem tam friuolam et jnanem reputamus et propter [] duximus differendum et hoc loco appellorum sibi respondimus Acta sunt hec anno jndictione mense pontificatu et diebus quibus supra Presentibus magistro Petro de Aurelianis notario publico et Moneto de Arceone clericis et pluribus aliis testibus ad hec vocatis specialiter et rogatis Et ego Gaufridus de Alneto clericus corisopitensis diocesis apostolica et jmperiali auctoritate notarius publicus premissis una cum prenominatis testibus presens jnterfui et ea publicando scribi feci hic me subscripsi et signum meum rogatus apposui consuetum Data ut sunt