Charter Document - 05340048

Philipus Dei gratia Francorum rex [] vniuersis presentes litteras inspecturis salutem Notum facimus quod dudum lite mota coram bailliuo diuionense inter procuratores habitancium ville Aqueductus ex parte vna et procuratorem religiosorum virorum abbatis et conuentus sancti Stephani dyuionensis ex altera super eo videlicet quod procuratores dictorum habitancium dicebant et proponebant contra dictos religiosos quod dicti habitantes erant et fuerant per tantum tempus quod de contrario memoria non existit in possessione vendendi emendi et omnes contractus quocunque modo eis placetur maritando filias suas vel alias de hereditabus suis faciendi et in quascunque personas cumscunque condicionis vel interdictionis existant transfferendi et illi in quod dictos hereditates transfferebant tenendi franche et libere in quacunque jurisdictione existent soluendo quod dictis hereditatibus censum et decimam tantummodo erant quod et fuerant per tempus predictum in possessione tenendi hereditates suas in dicta villa franche et libere soluendo tantummodo censum et decimam vbicunque et quacunque juridictione moram traherant erant contra et fuerant et per tempus predictum in possessione ponendi messerios et vinearios in dicta villa a quibus messeriis et vineariis dicti religiosi seu alius eorum nomine recipiebant juramentum dictum officium bene et fideliter exercendi Item erant et fuerant per tempus predictum in possessione capiendi raortas pro cadragiis suis et ligaminia pro messibus suis in nemoribus dicte ville qui sunt dictis religiosis erant quod et fuerant per tempus predictum in possessione essendi de alta iusticia ville Diuionis et de franchisiis et priuilegiis de ville erant contra et fuerant per tempus predictum in possessione essendi franchi et quitti ab omni taillia soluendo singulis annis dictis religiosis centum librarum diuionensium aut valorem que dicte centum libre per quatuor vel quinque probos viros dicte ville de consensu aliorum dicte ville eligendos debebantur distribui et equari inter ipsos super quibus possessionibus suis predictis dicti religiosi impediebant et perturbabant dictos habitantes de nouo indebite et iniuste quare petebant procuratores predicti quod dictum bailliuum declarari dictos habitantes esse et fuisse in possessionibus predictis et ipsos in dictis suis possessionibus tueri et defendi dictos quod religiosos compelli ad cessandi et desistendi ab impedimentis et perturbationibus predictis procurator virorum dictorum religiosorum ex parte altera contra dictos habitantes proponebat et dicebat quod dicti religiosi erant in possessione et per plures et vltimos annos leuandi et percipiendi a quolibet tenentum focum in dicta villa vnum bichetum auene annui redditus qui redditus vulgariter appellatur saluement item erant in possessione leuandi et percipiendi a dictis habitantibus terras in finagio dicte ville exceptis terris vocatis les aleux pro quolibet jornali terre medium cartellum bladi medietatem siliginis et medietatem auene annui redditus secundum terrarum quantitatem quantus habent in dicto finagio erant et dicti religiosi in possessione imponendi faciendi et leuandi tailliam singulis annis semel alte et basse aliquando plus aliquando minus super dictos habitantes et de vno plus et de alio minus secundum asiamentum dictorum habitancium dicebat et dictus procurator ad confortandum saisinam suam quod secundum consuetudinem generalem et notoriam Burgondie omnes immobiles sunt tailliabiles in si doceant de titulo vel priuilegio sine franchisie aut de abonamento et quod dictus ipsorum gaudere debet de ipsis tanquam tailliabilibus donec documenta de titulo vel priuilegio suo quare petebat procurator dictorum religiosorum declarari per dictum bailliuum dictos religiosos esse in possessione jurium predictorum dictos quod religiosos in suis possessionibus predictis tueri et defendi dictos quod habitantes ad soluendi dictis religiosis juria predicta compelli et ad cessandi et desistandi ab impedimento et perturbatione que dictis religiosis dicti habitantes opponebant in predictis Lite igitur super hinc inde coram dicto bailliuo legime contestatione testibus productis ab vtraque parte super factis predictis productis et testibus ex parte dictorum religiosorum super quibusdem factis contrariis per ipsos de nouo post litem contestationem proponitis dictus bailliuus pronunciauit dictos religiosos bene et sufficienter intencionem suam probauisse propter quod condempnauit dictos habitantes dictis religiosis in petitis salua questione proprietatis dictis habitantibus in predictis et per eamdem summam pronunciauit dictos habitantes non bene probauisse intencionem suam contra dictos religiosos preter quod in eo quod dicebant se esse in possessione capiendi raortas et ligaminia in nemoribus dictorum religiosorum et eligendi messerios et vinearios in dicta villa qui tamen jurare debebant in manibus dictorum religiosorum seu alterius de eorum mandato dictum officium bene et fideliter exercendi propter quod dictus bailliuus dictos religiosos ab impetecionem dictorum habitancium propter quod in dictis duobus casibus absoluit dictis habitantibus perpetuum silencium imponendo salua dictis habitantibus questione proprietatis dictos vero religiosos quoad dictos duos casus dictis habitantibus condempnauit a qua summa procuratores dictorum habitancium in quantum contra ipsos faciebant coram auditoribus causarum appellarum ducatus Burgundie appellauerunt qui dicti auditores summam dicti bailliui confirmauerunt addendo dicte summe videlicet in articulo loquente de franchise dyuionensis quod dicti habitantes bene probauerunt se esse in possessione quadrigandi vina sua apud Diuionem absque solutione roagii et vendendi dictam vinam suam in villa diuionense in grosso vel alio franche et libere sicut alii de dicta villa propter quod in hoc ad indicauerunt saisinam habitantibus predictis dictos religiosos ad cessandi ab impedimento quod super hoc dictis habitantibus apponebant condempnando a qua summa procuratores dictorum habitancium in quantum contra ipsos faciebant ad nostram curiam appellauerunt Auditis igitur dictis partibus in dicta curia nostra quicquid dicere et proponere voluerunt in causa appellationis predicte viso et diligenter examinato toto processu reiectis per dictam curiam nostram de processu dicte cause dictis factis contrariis per dictos religiosos post litis contestationem de nouo propositis reiectis et per dictam curiam quibusdem exceptionibus facti per dictos religiosos contra deposiciones testium dictorum habitancium propositis quia constitit dicte curie nostre dictos habitantes bene probasse intencionem suam preter quam in eo quod dicebant se esse in possessione quod quatuor vel quinque viri dicte ville eligendi erant de eorum consensu pro dictis centum libris dictis religiosis per dictos habitantes singulis annis debitis consequendi inter dictos habitantes super quolibet probauerint se esse in possessione eandi quitti et liberi ab omni taillia soluendo dictis religiosis singulis annis C librarum diuionensium tantummodo non cum probauerunt quod dicti probi viri qui dictas C libras inter dictos habitantes distribuere [] et debebant esse eligendi de consensu eorumdem et in eo quod dicebant se esse de franchisiis Dyuionis quod et non probauerunt propter quam quod pro primo furto quitti erant pro sexaginta quinque solibus sicut alii de Diuione et quod possint vina sua ducere et vendere apud Diuionem absque roagio senalia redibencia persoluendi sicut et alii dicte ville Diuione predicto per iudicium curie nostre dictum fuit dictos auditores in eo quod confirmauerint summam dicti bailliui per quam absoluit dictos religiosos ab impeticione dictorum habitancium preter quam in causibus predictis per dictos habitantes non probatis male iudicasse et procuratores dictorum habitancium bene appellasse Item quod constitit dicte curie nostre dictos religiosos probauisse se esse in possessione leuandi et percipiendi a quolibet tenente focum in dicta villa de Aqueductu vnum bichetum auene annui redditus et a quolibet habitante dicte ville habente terram in finagio dicte ville medium cartellum bladi medium siliginis et medium auene secundum quantitatem terre quam habet in dicto finagio eos quod esse in possessione eligendi probos viros de dicta villa qui dictas centum libras dictis religiosis a dictis habitantibus singulis annis debitas debeant inter dictos habitantes coequare ideo per idem iudicium dictum fuit dictos auditores quo ad casus predictos bene iudicasse confirmando summam dicti bailliui et dictos habitantes male appellasse in eo vero quod in ceteris contentis impeticione dictorum religiosorum summam dicti bailliui confirmauerint cum per dictos religiosos appella probata non fuerint male iudicasse et dictos habitantes bene appellasse In cuius rei testimonium presentibus litteris nostrum fecimus apponi sigillum Actum Parisius in parlamento nostro XXV die junii anno domini MCCC vicesimo octauo