Charter Document - 05340044
| Charter Number: | 05340044 |
|---|---|
| Cartulary Title: | Essai sur la fidéjussion dans l'ancienne Bourgogne et chartes de l'abbaye de Saint-Étienne de Dijon de 1321 à 1332. |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1327 |
| Date type: | Internal, A.D. |
| Resource Link(s): |
|
Charter:
In nomini domini amen Anno jncarnationis eiusdem millesimo CCC vicesimo septimo mense augusti ego Johannes Francisci de Dyuione clericus notum facio vniuersis presentes litteras jnspecturis quod ego facio permutationem seu excambium perpetuum cum religiosis viris abbate et conuentui monasterii sancti Stephani dyuionensis videlicet quod pro eo quod dicti religiosi michi tradiderunt pro me et heredibus meis imperpetuum quandam domum ligneam cum manso fondo et pertinenciis eiusdem sitam Dyuione in vico porte sancti Petri dyuionensis juxta domum meam hinc et domum religiosorum sancti Johannis Iherusalemensis de Dyuione jnde libere pro onere suo consueto ego sponte et prouide pro vtilitate mea cedo concedo et jmperpetuum quicto pro me et heredibus meis predictis religiosis pro se et successoribus suis quandam domum meam sitam in castro dyuionense ante predictum monasterium sancti Stephani juxta domum dictorum religiosorum hinc et domum seu voleriam Johannis Rateti notarii dyuionensis pro domino duce inde de qua domo eisdem religiosis permutata et jmperpetuum excambiata me penitus deuestio pro me et heredibus meis et dictos religiosos et successores suos corporaliter inuestio de eadem Promittens pro me et heredibus meis per juramentum meum super sancta Dei euuangelia corporaliter prestitum et sub obligatione omnium bonorum meorum mobilium et immobilium presentium et futurorum dictam domum permutatam seu excambiatam libere pro onere suo consueto dictis religiosis et successoribus suis contra omnes perpetuo garantire deffendere meis propriis sumptibus et expensis si qui calumpniatores apparerent quod absit quamcito et quocienscunque super hoc fuero requisitus Renuncians in hoc facto et ex certa sciencia sub juramento et obligatione predictis omnibus exceptionibus allegationibus barris et rationibus juris et facti que contra tenorem presentium possent obici seu dici et precipue juri dicenti generalem renunciacionem non valere Et volo me compelli [] In quorum testimonium [] Actum in presentia Johannis dicti Amee de Dyuione clerici coadiutoris Johannis Rateti notarii dyuionensis magistri Renaudi dicti Rosote et Stephanini dicti Marcheant de Geureyo Lathomoris Dyuionense commorantium testium ad hoc vocatorum et rogatorum anno et mense predictis