Charter Document - 05340036
| Charter Number: | 05340036 |
|---|---|
| Cartulary Title: | Essai sur la fidéjussion dans l'ancienne Bourgogne et chartes de l'abbaye de Saint-Étienne de Dijon de 1321 à 1332. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1326 |
| Date type: | Internal, A.D. |
| Resource Link(s): |
|
Charter:
Karolus Dei gratia Francie et Nauarre rex dilecto nostro magistro Radulphi Seuturii decano Mauritanense clerico salutem et dilectionem Cum per nostras alias litteras vobis mandauimus quatenus fideiussores quondam datos per abbatem Sancti Stephani diuionensis racione cuiusdam composicionis inter ipsum abbatem facte ex vna parte et Templarios eo tempore quo erant in statu ex altera aut ipsorum fideiussores heredes compellentis seu compelli faceretis per explettationem et vendicionem bonorum suorum ad soluendum nobis et hospitalariis certa arreragia nobis et ipsis debita racione composicionis supradicte litteris subrepticis non obstantibus quibuscumque prout in dictis aliis nostris litteris plenius continetur mandamus vobis nichilominus atque committimus quatenus si heredes predicta contra executionem predictam se in aliquo opponere voluerint ab executione predicta cessantes omnino ac ad statum perfectum et debitum quicquid dictarum litterarum nostrarum virtute factum fuerit reducentur manu tamen nostra prius sufficienter munita predictis heredibus coram dilectis et fidelibus nostris presidentibus Parisius competentem diem assignetur allegatur ibidem quicquid allegare seu proponere voluerint justiciam quod receptur super oppositionem huiusmodi et facturam ulterius quod fuerit racionis de diei autem assignatione et aliis que fecistis in premissis curiam nostram certificare curetis Ab omnibus aut subditis nostris vobis in premissis et ea tangentibus pareri volumus et mandamus Datum Parisius vltima die marcii anno domini MCCC vicesimo sexto