Charter Document - 05340034
| Charter Number: | 05340034 |
|---|---|
| Cartulary Title: | Essai sur la fidéjussion dans l'ancienne Bourgogne et chartes de l'abbaye de Saint-Étienne de Dijon de 1321 à 1332. |
| Charter Language: | Latin |
| Charter Origin: | Lay |
| Charter Type(s): | Foundation |
| Date: | 1326 - 1327 |
| Date type: | Internal, A.D. |
| Resource Link(s): |
|
Charter:
In nomine domini amen Anno incarnationis eiusdem millesimo trecentesimo vicesimo sexto mense februarii nos Maignandus dictus Chant le boy de Dyuione et Angnes eius vxor notum facimus vniuersis presentes litteras inspecturis quod nos non decepti nec coacti permutationem seu excambium perpetuum facimus cum religiosis viris priore et conuentui monasterii sancti Stephani dyuionensis in hunc modum videlicet quod pro eo predicti prior et conuentus nobis perpetuo quictauerunt et remiserunt duas pecias terre sitas in finagio de Mirandes vna continens circa duo journalia sita est subtus nemus doisseaux juxta terram religiosorum alte Rippe et terram magistri Guillermi de Campo diuiso et alia continens circa vnum jornale sita est juxta terram domine de Lithero et terram dicti Lirot quas quidem duas pecias terre vna cum quadam domo manso et pertinentiis eiusdem domus sita Dyuione in vico Es Noiroz juxta domum dicti Ganlart dictis priori et conuentui in elemosinam perpetuam dedamus pro anniuersario nostro in eorum ecclesia perpetuo celebrando Nos tam permutationis seu excambii predicti dictis priori et conuentui pro se et successoribus suis tradimus deliberamus et quictauimus perpetuo vnam domum cum eius pertinentiis sitam in vico Es Noiroz in capite dicti vici juxta domum dictorum religiosorum ex vna parte et domum hospitalis beate Marie Virginis ex altera de qua domo sic a nobis dictis religiosis tradita nos ex nunc penitus deuestimus et ipsos pro se et successoribus suis inuestimus et in veram et corporalem possessionem uel quasi inducimus tenorem presentium de eadem Et eam tenemur ac promittimus pro nobis et nostris heredibus per juramenta nostra super sancta Dei euuangelia corporaliter prestita et sub obligatione omnium bonorum nostrorum prefatis religiosis et successoribus suis contra omnes perpetuo garantire deffendere et in pace tenere si qui calumpniatores super hoc quod absit apparerent ac facere et prestare quicquid in causa euictionis debet fieri et pretari Preterea confitemur nos dicti coniuges predicti religiosis nobis tradiderunt et deliberauerunt dictam domum sibi a nobis prout premittitur traditam tenendam et possidendam ad vitam nostram et superuiuentis ex nobis pro viginta solidis bonorum paruorum turonensium quos eidem religiosis tenemur et ex pactu promittimus reddere et soluere anno quolibet scilicet medietatem ad festum natiuitatis beati Johannis Baptiste et aliam medietatem ad festum natiuitatis Domini Confitemur etiam dictam domum nomine dictorum religiosorum ad vitam nostram ac superuiuentis ex nobis tenere ac possidere et eam modis omnibus nostris expensis ac sumptibus manu tenere et post decessum nostrum amborum ad ipsos religiosos reuerti perpetuo debere contraditione aliquod non obstante nec heredes nostri in ea quicquam inter perpetuam possessionem saisine aut commodi reclamare potuerunt aut debebunt Omnibus exceptionibus juri et facti que contra tenorem presencium possent obici seu dici renunciando penitus in hoc facto et volumus nos compelli ad premissam obseruantiam quasi ex re adiudicata per curiam domini ducis Burgondie cuius juridictioni quo ad hoc supponimus nos et nostros heredes In quorum testimonium [] Actum in presencia Galteri Falconeti de Dyuione clerici coadiutoris Johannis Rateti notarii dyuionensis Johannis de Vercellis clerici et Hugueti Lathomi testium ad hoc vocatorum et specialiter rogatorum anno et mense predictis