Charter Document - 05340031
| Charter Number: | 05340031 |
|---|---|
| Cartulary Title: | Essai sur la fidéjussion dans l'ancienne Bourgogne et chartes de l'abbaye de Saint-Étienne de Dijon de 1321 à 1332. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1325 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo vicesimo quinto mense julii ego Monetus dictus Rosierus de Fauornego clericus notum facio vniuersis tam presentibus quam futuris quod ego do cedo concedo pro me et meis heredibus ac jmperpetuum committo in elemosinam perpetuam et pro remedio anime mee et antecessorum meorum donatione irreuocabili facto inter viuos Dei et prioratui de dicto Fauorneyo quatuor secturas prati sitas in custodia Johannis domini de Chargeyo domicelli in loco vbi dicitur Es Ylles Sancti Stephani diuionensis et parciuntur cum religiosis Sancti Stephani predicti quas quidem quatuor secturas acquisiui a Richardo de Besua burgense de Dyuione Quare de dictis quatuor secturas prati me et meos heredes deuestio et dictum prioratem et eius successores corporaliter inuestiens de eisdem promittens pro me et meis heredibus per juramentum meum super Dei euuangelia corporaliter prestitum et sub obligatione omnium bonorum meorum predictas quatuor secturas prati a me sic donatas libere pro custodia prefata prioratui et eius successoribus contra omnes perpetuo garantire et in me littis honus suscipere causamque deffendere meis propriis sumptibus si qui calumpniatores quod absit apparerent quamcito quotiens et quacumque parte littis super hoc fuero requisitus et ad premissa tenenda Volo me compelli [] In quorum testimonium [] Actum in presencia Johannis Picardi coadiutoris Johannis Rateti notarii diuionensis Clemencii Blondelli et Lamberti dicti Triber de Roura testium ad hoc vocatorum anno et mense predictis