Charter Document - 05340029
| Charter Number: | 05340029 |
|---|---|
| Cartulary Title: | Essai sur la fidéjussion dans l'ancienne Bourgogne et chartes de l'abbaye de Saint-Étienne de Dijon de 1321 à 1332. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1325 |
| Date type: | Internal, A.D., Feast |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo vicesimo quinto mense marcii ante pascha ego Johannes dictus Quoquaiz de Arconceio domicellus notum facio vniuersis presentes litteras jnspecturis quod ego pro necessitate mea vrgenti et vtilitate euidenti ac eciam pro maiori detrimento euictando sponte scienter et prouide vendo trado cedo et concedo pro me et meis heredibus in hereditatem perpetuam Bricio de Sancto Mauricio Dyuione commoranti clerico pro se et suis heredibus medietatem decime finagii seu loci dicti de Sampigneyo siti in finagio de Coicheyo prout ipsa medietas partitur seu partiri consueta est cum alia medietate ipsius decime religiosorum Sancti Stephani quam nunc tenet a dictis religiosis dictus Bricius item omne jus omnemque actionem et rationem quod et quam habeo seu habere possum vel debeo in ipsa totali decima prout hactenus leuare et percipere consueui Hanc autem venditionem de premissis facio precio scilicet triginta septem librarum turonentium paruorum de quibus a dicto emptore solutionem et satisfactionem in integram habui et recepi et ab eodem emptore me teneo de dicta summa pecunie plenarie pro contento Quare de predictis venditis me penitus deuestio et dictum emptorem pro se et suis heredibus inuestio et in possessionem corporalem vel quasi et in verum dominum indicto tenore presentium de eisdem pro omni sua et suarum voluntate modis omnibus perpetuo facienda teneorque et promitto pro me et meis heredibus per meum juramentum datum ad sancta Dei euuangelia et sub obligatione omnium bonorum meorum predicta vendita tanquam de proprio allodio mouencia et quitta omni honere prefato emptori et suis heredibus contra omnes perpetuo garantire deffendere et jn pace tenere in judicio et extra meis propriis sumptibus in meque littis onus suscipere causamque defendere si qui calumpniatores super hoc fuero requisitus hac facere et prestare quicquid in causa euictionis debet fieri et prestari et contra tenorem presentium non venire jnfuturum exceptionibus non numerate et non habite pecunie speique future numerationis et habitionis biennalis solucionis probande et decepcionis in aliquo renunciando in hoc facto volens me compelli [] In quorum testimonium [] Actum in presencia Johannis Curtilerii de Dyuione clerici coadiutoris Johannis Rateti notarii diuionensis Johannis Godelineaul de Coicheyo et Perelli Volandi de Fixeyo testum vocatorum anno et mense predictis