Charter Document - 05340027
| Charter Number: | 05340027 |
|---|---|
| Cartulary Title: | Essai sur la fidéjussion dans l'ancienne Bourgogne et chartes de l'abbaye de Saint-Étienne de Dijon de 1321 à 1332. |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1325 |
| Date type: | Internal, A.D., Feast |
| Resource Link(s): |
|
Charter:
Vniuersis presentes litteras jnspecturis abbas monasterii sancti Benigni dyuionensis ordinis sancti Benedicti lingonensis diocesis et decanus ecclesie cabilonensis exequtor seu conseruator vna cum venerabili et discreto viro domino officialis Trecensis cum illa clausula quatenus vos duo aut vnus vestrum [] a sede apostolica deputati salutem in domino Noueritis nos in presencia notarii et testium infrascriptorum litteras venerabili et discreto viri officialis lingonensis sigillatas prout prima facie apparebat recepisse quarum tenor sequitur in hec verba Officialis lingonensis venerabilibus et discretis viris dominibus abbati monasterii sancti Benigni dyuionensis et decano ecclesie cabilonensis salutem in domino Cum religiosi viri abbas et conuentus monasterii sancti Stephani dyuionensis et venerabili et discreto viro decanus et capitulum capelle domini ducis Burgundie dicti loci quasdam litteras apostolicas compositionem factam inter ipsos aduenientem confirmationem executionem et conseruationem eiusdem continentes quas difficile et periculosum esset exhibere quotiens ipse partes aut earum altera vellet seu vellent eis vti auctoritate nostra seu iudicis alterius competetis per manum publicam desiderent exemplari Ita pro exemplis seu transcriptis sic inde factis eadem fides perpetuo cum originalibus habeatur Nos de discretione fidelitate et industria viris plenius considerentes vobis et vestrum cuilibet insolidum circa premissa et ea tangentia committimus vices nostras Datum die veneris ante festum purificationis beate Marie Virginis anno domini millesimo trecentesimo vicesimo quinto