Charter Document - 05340026
| Charter Number: | 05340026 |
|---|---|
| Cartulary Title: | Essai sur la fidéjussion dans l'ancienne Bourgogne et chartes de l'abbaye de Saint-Étienne de Dijon de 1321 à 1332. |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1324 |
| Date type: | Internal, A.D. |
| Resource Link(s): |
|
Charter:
Vniuersis presentes litteras jnspecturis nos frater Johannes abbas Maceriarum totusque eiusdem loci conuentus cysterciensis ordinis cabilonensis dyocesis notum facimus vniuersis quod cum nos teneremur religiosis viris abbati et conuentui monasterii sancti Stephani dyuionensis jn duodecim solidis dyuionensium annui redditus seu census ratione cuiusdam mansi siti Belne retro muros castri juxta domum discreti viri domini Humberti de Jocis nobis a dictis religiosis ad dictam censam perpetuam traditi nos pro dicta censiua damus tradimus cedimus et quittamus eisdem decem solidos censuales quos habemus et habere consueuimus et debemus super quandam peciam vinee circiter decem operatas continentem sitam jn finagio de Roiffeyo jnter vineam que fuit Johannini filii Hugoneti ex vna parte et vineam Odeti le Perretat de Varois ex altera cuius vinee medietatem tenent nunc Aubricus dictus li Poloz de Roiffeyo et eius frater aliam vero medietatem tenet dictus Radulphus de Aqueductu presbiter quam eciam vineam dicimus et asserimus a nobis seu predecessoribus nostris olim traditam fuisse tanquam nostram Girardo de Roiffeyo clerico ad censam perpetuam pro decem solidis dyuionensium nobis jn die Bordarum singulis annis apud Dyuionem persoluendos sub pena seu emenda septem solidorum si non soluerentur die et loco predictis Item damus tradimus et cedimus eisdem duos solidos censuales quos habemus et nos habere asserimus super quandam peciam terre circiter jornale cum dimidio continentem sito jn dicto finagio vbi dicitur jnter terram que fuit domine Marie de Roiffeyo hinc et jnde quod jornale cum dimidio fuit quondam Girardi predicti qui duo solidi soluendi sunt nobis singulis annis loco die et sub pena predictis Deuestientes nos de predictis et jn dictos religiosos et eorum monasterio totum jus possessionem proprietatem dominionem seu censam quod habemus aut habere possumus jn vinea et terra predictis perpetuo transferentes vna cum actionibus nobis racione premissorum competentibus tam vtilibus quam directis dictumque censum eis garantire promittimus perpetuo contra omnes et facere et prestare quicquid in causa euictionis debet fieri et prestari In cuius rei [] Datum anno domini millesimo trecentesimo vicesimo quarto mense nouembris