Charter Document - 05340023
| Charter Number: | 05340023 |
|---|---|
| Cartulary Title: | Essai sur la fidéjussion dans l'ancienne Bourgogne et chartes de l'abbaye de Saint-Étienne de Dijon de 1321 à 1332. |
| Charter Language: | French |
| Charter Origin: | Lay |
| Charter Type(s): | Ammortisement |
| Date: | 1324 |
| Date type: | Internal, A.D., Feast |
| Resource Link(s): |
|
Charter:
Nous Eudes dux de Bourgoigne facons sauoir à touz que de grace especiaul a la priere et a la requeste de nos amez et feauls le seigneur et la dame Dartingney hauons outroye a religiouses persones labbe et le couant de Saint Estienne de Dyion que il puissient acquerir en noz fiez et rierefiez de nostre baronie dou duchief de Bourgoigne quant il lour viendray a point dix liurees de terre a tournois en terres gaignaubles prez vingnes en blef en deniers de rentes ou en autres redeuances saulf tant comme eu ces dix liurees de terre fiez rierefiez ne autres nobloces ne pourront estre acquis les queles acquises nous lour promettons en bone foy pour nous et pour noz hoirs amortir senz riens retenir saulf nostre baronie nostre souerenete nostre garde nostre ressort et le droit d'autruy Ou tesmoing de la quel chouse nous hauons fait mettre nostre seaul en ces presentes lettres donnees à Villoynes en Duismois le sabmadi apres l'ascension nostre seigneur l'an de grace mil trois cenz vint et quatre