Charter Document - 05340007
| Charter Number: | 05340007 |
|---|---|
| Cartulary Title: | Essai sur la fidéjussion dans l'ancienne Bourgogne et chartes de l'abbaye de Saint-Étienne de Dijon de 1321 à 1332. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1322 |
| Date type: | Internal, A.D. |
| Resource Link(s): |
|
Charter:
In nomine domini amen Anno incarnationis eiusdem millesimo trecentesimo vicesimo secundo mense iunii ego Girardus li Baptoiez de Nulleyo notum facio vniuersis presentes litteras inspecturis quod ego retineo ad amodiationem seu firmam a religioso fratre Poncardo abbate monasterii sancti Stephani diuionensis fructus et prouentus huius anni decimarum suarum dicto Nulleyo ad monasterii sancti Stephani pertinentium pro sexaginta eminiis per medium frumenti et auene quas promitto per iuramentum meum super sancta Dei euuangelia corporaliter prestitum et sub obligatione omnium bonorum mobilium et immobilium presentium et futurorum quorumcumque soluere et reddere dicto abbati aut eius certo mandato latoris presentium infra festum Natiuitatis domini Christi venturum Et est actum inter nos quod pro eo quod ego debeo habere straminia dictarum decimarum vna cum blado ipsarum Ego promitto et teneor grangiam seu bordam ipsius abbatis in qua decime dicti loci poni et recolligi consueuerunt facere recoopari omnem et in totum meis ipsis sumptibus Saluo tamen quod dictus dominus abbas debet soluere precium quod constabit loichia quod domo predicti quam ego Girardus debeo capere in loicheria et ipsam teneor quadrigare facere promitto eciam omnia blada dictarum decimarum recolligere et ponere in dicta grangia et nichil de dicto blado in meos vel alios vsus committere donec dicto abbati de dicta quantitate dicti bladi fuerit plenarie satisfactum et si reperiretur de dicto blado aliquid extra dictam grangiam in meos vel alios vsus committere ante satisfactionem predictam Ego volo et consencio illud michi esse perditum et dicto abbati acquisitum seu sibi in tantum teneri Que predicta omnia et singula promitto per meum jam prestitum juramentum firmiter tenere adimplere et inuiolabiliter obseruare et renuncio pro me et meis penitus in hoc facto omni actioni et exceptioni mali metus et in factum condictioni sine causa dicte admodiationis non legitime factorum omnibus quod aliis actionibus et exceptionibus iuris et facti que contra tenorem presentium dici possent vel opponi iurique dicenti generalem renunciationem non valere Et volo me compelli et premissorum obseruanciam quasi ex re adiudicata per curiam domini ducis Burgondie cuius iuridictioni quo ad hoc suppono me meos heredes et omnia bona mea Actum in presencia Johannis Piquardi de Longo Vico clerici coadiutoris Johannis Rateti notarii diuionensis domini Johannis de Tannureyo presbyteri Guillermi Breti de Johannis et magistri Johannis Valonis de Sancto Fidelo clerici testium ad hoc vocatorum anno et mense predictis