Charter Document - 05340003
| Charter Number: | 05340003 |
|---|---|
| Cartulary Title: | Essai sur la fidéjussion dans l'ancienne Bourgogne et chartes de l'abbaye de Saint-Étienne de Dijon de 1321 à 1332. |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1321 - 1322 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo vicesimo primo mense martii ego Guiotus de Grosso Boscho domicellus notum facio vniuersis quod pro eo quod Othoninus de Vercellis domicellus me et Ysabellem sororem meam quictauit de omnibus in quibus ipsi potuimus vnquam teneri in toto tempore retroacto ego sponte et prouide pro me et dicte sorore mea quicto imperpetuum et absoluo predictum Othoninum et suos de omnibus rebus actionibus querelis et de omnibus in quibus michi et predicte sorori mee potuit vnquam teneri a toto tempore retroacto vsque ad tempus confectionis presentium litterarum Et promitto pro me et meis per juramentum meum super sancta Dei euuangelia corporaliter prestitum et sub obligatione omnium bonorum meorum portare garantiam de predictis predicto Othonino et suis erga predictam Ysabellem sororem meam et suos si aliquid peterent de predictis ab eisdem omnibus exceptionibus iuris et facti renunciando in hoc facto Et volo me compelli ad premissa tenenda quasi ex re adiudicata per curiam domini ducis Burgondie cuius iurisdicioni quo ad hoc suppono me et heredes meos In quorum testimonium litteris istis sigillum dicte curie rogaui et obtinui apponi Actum in presencia Symoneti Judei notarii Roure Gaufridi de Vlmis Symonis le Pointre Stephani quondam generi au Grasset et Johannis Vaudouhot de Roura testium ad hoc vocatorum anno et mense predictis