Charter Document - 05332060
| Charter Number: | 05332060 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1276 |
| Date type: | Internal, A.D., Feast |
| Resource Link(s): |
Reference Document for this Embedded Document |
Charter:
Vniuersis presentes litteras inspecturis Guido dei gratia lingonensis episcopus salutem in domino Notum facimus quod in nostra presentia constitutis viro religioso fratre Girardo abbate sancti Stephani dyuionensis et Guidone dicto Sortes presbitero curato de Buxeroliis dictus curatus confessus est et etiam recognouit quod de discordia que vertebatur inter dictum abbatem et eius conuentum ex vna parte et ipsum curatum ex altera super portionem quam petebant dicti abbas et conuentus in dicta ecclesia ac capellis et parrochiatu eiusdem in oblationis decimis legatis et rebus aliis quibuscumque ratione iuris parrochiatus quod habent in ecclesia memorata talis inter ipsos compositio interessit quod dictus curatus et eius successores imperpetuum percipient et habebunt quicquid dicti abbas et conuentus habent et habere et percipere possunt et debent in dicta ecclesia et capellis ac parrochiatu eiusdem et eorum pertinenciis quibuscunque et quicquid habent et habere ac percipere possunt et debent in ecclesia et parrochiatu de Villario Moroner in recunpensatione autem predictorum dictus curatus et ipsius successores soluent et reddent imperpetuum singulis annis dictis abbati et conuentui uel eorum mandato sexdecim libras turonensium terminis inferius annotatis videlicet infra octabas Apparitionis Domini octo libras et infra Ascensionem Domini alias octo libras Tenebitur autem quicunque erit curatus de Buxeroliis pro tempore institutione iuramentum prestare quod dictam summam pecunie persoluet dicto abbati et conuentui uel eorum mandato terminis supradictis Supplicauerunt autem nobis dictus abbas et conuentus pro ipsis et dictus curatus suo et ecclesie sue nomine quod dictam compositionem ratam habemus et gratam et eam auctoritate dyocesana confirmemus Nos vero iuramento dicti curati recepto quod in dicta compositione credit vtilitatem dicte ecclesie sue procurare dictam compositionem pro bono pacis ratam et gratam habemus et eam auctoritate dyocesiana confirmamus In cuius rei testimonium sigillum nostrum presentibus litteris duximus apponendum Datum die dominica post festum beati Nycolay hyemalis anno domini MCC septuagesimo sexto