Charter Document - 05331072
| Charter Number: | 05331072 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1316 |
| Date type: | Internal, A.D., Feast |
| Resource Link(s): |
Reference Document for this Embedded Document |
Charter:
Guillermus miseratione diuina lingonensis episcopus religioso viro abbati besuensi salutem jn domino Ex parte religiosorum virorum prioris claustralis et conuentus monasterii sancti Stephani dyuionensis nostre dyocesis nobis extitit humiliter supplicatum vt nos electionem per ipsos per viam compromissi concorditer celebratam de religioso viro fratre Poincardo priore Tilicastri jn abbatem predicti monasterii tunc vacantis per mortem bone memorie fratris Hugonis quondam abbatis ipsius monasterii tanquam rite et canonice ac de persona ydonea celebratam confirmare auctoritate ordinaria dignaremur Nos itaque multis aliis negociis jmpediti jn negocio confirmationis vel infirmationis predicte ad presens vacare non possumus vobis jn dicto negocio et omnibus et singulis illud tangentibus hac vice committimus vices nostras Datum apud Castillionem super Sequanam die dominica qua cantatur reminiscere anno domini MCCC sextodecimo