Charter Document - 05331060
| Charter Number: | 05331060 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1315 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
In nomine domini MCCC quinto decimo indictione quarta decima die penultima mensis ianuarii vacante adhuc sede apostolica per obitum felicis recordationis domini Clementis pape quinti ut publice dicebatur in mei notarii publici et testium infra scriptorum presentia constitutus discretus vir magister Garmus de Tilleriis rector ecclesie de Buxeroliis lingonensis dyocesis illustris domini regis Francie clericus discretum virum dominum Johannem de Putheis presbiterum suum facit constituit et ordinauit uerum et legitimum procuratorem ad componendum transigendum et pasciscendum cum venerabilibus et religiosis viris abbate et conuentu monasterii sancti Stephani dyuionensis et quibuscunque aliis quorum interest vel interesse potest super quodam litigio moto inter dictos religiosos ex vna parte et dictum magistrum Garmum ex altera in curia reuerendi patris domini episcopi lingonensis occasione cuiusdam annue pensionis eisdem religiosis seu eorum monasterio sicut dicunt ratione patronatus ecclesie memorate Dans idem magister Garmus dicto procuratori suo plenam et liberam potestatem et speciale mandatum premissa omnia et ea quocunque modo tangencia faciendi ac omnia alia et singula exercendi que certa dictum negocium fuerint oportuna et que ipse constituens facere posset si personaliter interesset eciam si mandatum exigant speciale non intendens dictus magister Garmus prestitum procuratorem suum aut aliquos alios ab ipso alios constitutos per presens procuratorium reuocare Promittentes se ratunt gratum habiturum quicquid per dictum in premissis et ea tangentibus actum gessum ne fuerit seu etiam procuratum Acta sunt hec Parisius in palatio regali presentibus venerabili viro domino Petro Cesson dicti domini regis clerico ac magistro Petro Racheler publico auctoritate apostolica notario ad hec vocatis testibus et rogatis Ac ego Johannes de Acyaco suessionensis dyocesis clericus sacrosancte romane ecclesie auctoritate publicus notarius vna cum suprascriptis testibus premissis omnibus et singulis presens fui et huic instrumento inde confecto signum meum solitum apposui rogatus Virtute cuius procuratorii nomine procuratorio dicti curati et pro ipso confessus fuit littem contestando dictum monasterium sancti Stephani predicti debere percipere et habere sexdecim libras annui et perpetui redditus in et de ecclesia de Buxeroliis ratione cuiusdem compositionis olim facte inter abbatem dicti monasterii et curatum de Buxeroliis qui tunc erat