Charter Document - 05330103
| Charter Number: | 05330103 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1320 |
| Date type: | Internal, A.D., Feast |
| Resource Link(s): |
|
Charter:
Vniuersis presentes litteras jnspecturis officialis lingonensis salutem in Domino Noueritis quod in presentia Johannis Piquardi de Longo Vico clerici tabellionis nostri jurati propter hoc personaliter constitutus Hugo dictus Chanpile de Dyuione recognouit et confessus est se retinuisse ad religiosis viris abbate et conuentu monasterii sancti Stephani dyuionensis decimas de Seneceyo de Crimoloys et de Moruellis precio quater viginti et quatuor aminarum frumenti et auene per modium ad mensuram dyuionensem quam quidem frumenti et auene quantitatem tenetur prouise dictus Hugo per juramentum suum corporaliter prestitum et sub obligatione omnium bonorum suorum soluere et reddere dictis religiosis aut eorum procuratori seu certo mandato ad terminos jnfra scriptos videlicet frumentum ad proximum festum beati Martini et dictam auenam sequens festum Purificationis beate Marie virginis jta quod dictus Hugo tenetur et debet omne bladum dictarum decimarum ponere in grangia dictorum religiosorum de Ceneceyo et de Crimolois et si aliquid ex poneret omne residuum dictis religiosis in pace et quiete remanebit Pro quibus adimplendis Johannes Reaiges Macheretus li Curiez filius defuncti Guaiseri de Dyuione et Henricus li Parisardes de Dyuione an manibus dictorum religiosorum ad requisitionem dicti Hugo et Pipere fecerunt et constituerunt fideiussores prout et conpletorum de predictis promittentes per juramenta sua totum deffectum dicti Hugonis penitus adinplere promictentesque dicti Hugonis et fideiussores per dicta juramenta sua et sub obligatione omnium bonorum suorum predicta tenere et contra non venire supponentes se et sua quantum ad hec iurisdicioni curie lingonensis Quibus actis dictus juratus noster nomine nostro dictos Hugonem et fideiussores condempnauit et viua voce monuit ad tenenda premissa Alioquin nos ipso pro quolibet deffectu in scriptis excommunicabimus monitione alia non premissa Actum presentibus Breceneto de Sancto Maritio et Petro de Molinis de Dyuione testibus ad hec vocatis die marcurii post octabas festi Penthecostes anno domini MCCC vicesimo et hec Thomas Roolini de Luseyo clericus tabellio curie lingonensis super hec a nobis vna cum Johanne Cultilerii et Guioto de Sancto Johanne cum illa clausula et cuilibet jnsolidum commissarius deputatus sic in registro dicti Johannis Piquardi nuper defuncti reperuit et signo suo in hanc formam signauit ad cuius Thome relationem sigillum curie lingonensis presentibus litteris duximus apponendum in testimonium premissorum Thomas Roolini ita est