Charter Document - 05330102
| Charter Number: | 05330102 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1320 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo CCC vicesimo mense mayo ego Robertus li Doucez de Argilleyo notum facio vniuersis et ex certa scientia confiteor per meum juramentum datum ad sancta Dei euuangelia firmiter asserendo quod super quandam domum meam et eius grangiam sitam vltra les haiers de Argilleyo iuxta grangiam domini de Alto Villari et terram meam debentur religiosis viris abbati et conuentui monasterii sancti Stephani dyuionensis tres boisselli auene annui et perpetui census et eandem domum et grangiam ratione dicti census annui confiteor dictis religiosis hactenus fuisse obligatam In cuius rei testimonium sigillum curie domini ducis Burgundie presentibus rogaui apponi me et meos heredes quo ad hoc iuridicioni dicte curie supponendo Actum in presentia Johannis Rateti notarii dyuionensis Petri de Joha et Galterii Falconeti de Dyuione testium ad hoc vocatorum anno et mense predictis