Charter Document - 05330099
| Charter Number: | 05330099 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1319 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo decimo nono mense augusti ego Juhanna relicta Villemardi Chappon de Dyuione notum facio vniuersis quod ego sponte et prouide vendo et concedo pro me et meis heredibus religiosis viris priori et conuentui monasterii sancti Stephani dyuionensis viginti solidatas terre ad monetam dyuionensem annui et perpetui redditus precio scilicet sex librarum et decem solidorum turonensium paruorum de quibus a dictis emptoribus me teneo plenarie pro pagata quos quidem viginti solidos reddituales teneor et promitto pro me et meis heredibus per meum juramentum datum corporaliter ad sancta Dei euuangelia et sub obligatione omnium bonorum meorum reddere et soluere dictis religiosis vel mandato suo jn pace et sine litte mouenda ad terminos qui sequuntur scilicet decem solidos dyuionenses ad festum Natiuitatis Domini et decem solidos eiusdem monete ad festum Natiuitatis beati Johannis Baptiste perpetuo annuatim et jncipiet prima solutio ad festum Natiuitatis Domini proximo venturum dictum autem annuum redditum assedeo et assigno dictis religiosis et suis successoribus super quamdam domum meam eiusque fundum mansum retrositum et pertinentias vniversas sitas in Castro dyuionensi iuxta domum domini Guillermi dicti la Beste et mansum heredum Hugonis de Cabilone quondam notarii dyuionensis quam domum cum eius pertinentiis eisdem religiosis propter hoc obligo expresse volens et concedens quod in vnoquoque deffectu de soluendo dicti religiosi per se vel per mandatum suum ad predictam domum et eius pertinentias possint recurrere eamque tenere et possidere suos exitus faciendo ex eisdem quousque de vno quolibet deffectu et dampnis jnde habitis ipsis religiosis fuerit jntegre satisfactum Quem quidem redditum annuum super dictam domum et eius pertinentias necnon et dictam domum cum eius pertinentiis ratione redditus eiusdem teneor et promitto sub juramento et obligatione predictis dictis religiosis et eorum successoribus contra omnes perpetuo garantire deffendere et in pace tenere et contra tenorem presentium non venire sed volo me ad premissorum obseruanciam compelli [] In quorum testimonium [] Actum in presentia Johannis Rateti notarii dyuionensis Nicholai de Sullereyo et Pariseti Croisie de Dyuione testium ad hoc vocatorum anno et mense predictis