Charter Document - 05330090
| Charter Number: | 05330090 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1317 - 1318 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo trecentesimo decimo septimo mense februario ego Regineta relicta Demoingeti dicti de Pasquis de Besua notum facio vniuersis presentes litteras jnspecturis quod ego vtilitate mea et commodo euidenti excambium perpetuum seu permutationem facio cum religiosis viris fratre Ponczardo abbate et conuentu sancti Stephani dyuionensis jn hunc modum quod pro eo quod dicti religiosi michi perpetuo tradiderunt et quittauerunt quandam peciam vinee sitam in finagio Dyuionis en genois juxta vineam monialium de Thardo et vineam Vieneti le Matenet liberam et quittam pro decima jtem et pro triginta et quatuor libris bonorum paruorum turonensium michi a dictis religiosis jn pecunia legittime numerata solutis nomine soltario de quibus ab ipsis religiosis me teneo plenarie pro pagata penitus et contenta Ego pro eo ratione dicte permutationis seu excambii trado cedo et jmperpetuum pro me et meis quitto dictis domino abbati et conuentui pro se et suis successoribus medietatem pro indiuiso vnius pecie vinee que fuit quondam Martini Berssot de Besua quondam patris mei vna cum quarta parte domus et torcularis que vinea domus et torcular site sunt apud Canabas et appellatur troillia de Besua et partitur cum dictis religiosis et cum Perrello de Pasquis de quibus vinea domo et torculari me et heredes meos penitus me deuestio dictosque religiosos pro se et suis successoribus ex eisdem jnuestio tenore presentium corporaliter de eisdem promittens pro me et meis per juramentum meum super sancta Dei euuangelia corporaliter prestitum et sub obligatione omnium bonorum meorum mobilium et jmmobilium presencium et futurorum predicta omnia et singula dictis religiosis a me tradita quitta et libera pro censu et decima contra omnes personas perpetuo et firmiter garantire jn pace tenere meis propriis sumptibus et expensis si qui calumpniatores apparerent quancito et quociens super hoc fuero requisita nec non facere et prestare quicquid jn causa euictionis debet fieri et prestari et contra dictam permutationem seu excambium de cetero non venire nec contrauenienti jn aliquo consentire omnibus exceptionibus et allegationibus juris et facti que contra tenorem presencium possent obici seu dici renunciando penitus jn hoc facto Et volo me compelli [] In quorum testimonium [] Actum in presentia Guioneti Chargereti de Dyuione clerici coadiutoris Johannis Rateti notarii dicti loci magistri Stephani le Montenet de Dyuione clerici et Guillermi filii Hugonis de Chasteney testium ad hoc vocatorum anno et mense predictis