Charter Document - 05330086
| Charter Number: | 05330086 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1317 |
| Date type: | Internal, A.D. |
| Resource Link(s): |
|
Charter:
In nomine domini amen Anno jncarnationis eiusdem millesimo CCC decimo septimo mense decembris ego Lambertus quondam maior de Asneriis clericus notum facio vniuersis quod ego non deceptus non coactus nec in aliquo circunuentus nec spontaneus et preuisus pro vtilitate et necessitate meis vendo concedo et jmperpetuum quicto pro me et meis heredibus religiosis viris fratri Poncardo abbati et conuentui sancti Stephani dyuionensis pro se et eorum successoribus omne jus quod habeo habere possum et debeo in quadam pecia vinee sita in finagio de Asneriis ante nemus des Crotes que quidem vinea dicitur planta maiorum precio sexaginta librarum turonensium paruorum bonorum michi a dictis emptoribus in numerata pecunia solutarum de quibus me teneo plenarie pro pagato Quare de dicto jure meo sic vendito me et meos penitus deuestio et dictos emptores et successores suos inuestio tenore presencium litterarum promittens pro me et meis per juramentum super sancta Dei euuangelia corporaliter prestitum et sub obligatione omnium bonorum meorum dictum jus dicte vinee sic venditum dictis emptoribus et successoribus suis liberum ab omni onere contra omnes perpetuo garantire deffendere et in pace tenere in judicio et extra meis propriis sumptibus et expensis et contra tenorem presencium de cetero non venire Exceptionibus venditionis predicte legittime non facte dicti pretii non habiti et non recepti spei future habitionis et receptionis biennalis solutionis probande deceptionis in aliquo renunciando penitus in hoc facto Et volo me compelli [] In quorum testimonium [] Actum in presencia Johannis Rateti notarii dyuionensis Johannis Boitan et Jaqueti de Gyeio seruientis de [] testium ad hoc vocatorum anno et mense predictis