Charter Document - 05330077
| Charter Number: | 05330077 |
|---|---|
| Cartulary Title: | Essai sur les procureurs au parlement de Bourgogne, et Chartes de l'abbaye de Saint-Étienne de Dijon, de 1309 à 1320. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1317 |
| Date type: | Internal, A.D., Feast |
| Resource Link(s): |
|
Charter:
Nos frater Ponczardus humilis abbas totusque conuentus monasterii sancti Stephani dyuionensis ordinis sancti Augustini lingonensis dyocesis notum facimus vniuersis quod cum nos teneremur discreto viro domino Bertholomeo de Prumellis decano ecclesie sancti Dyonisii de Vergeyo eduensis dyocesis in quadraginta solidatis terre ad monetam dyuionensem annui et perpetui redditus soluendis a nobis quolibet anno jmperpetuum dicto domino Bertholomeo et suis heredibus ratione duarum peciarum prati continentium quinque secturas quas dictus dominus Bertholomeus nobis et successoribus nostris tradidit concessit et quittauit perpetuo possidendas que site sunt in praeria de Maigneyo et de dictis quadraginta solidatis terre dictus dominus Bertholomeus dederit et concesserit imperpetuum nobis conuentui predicto viginti solidatas terre ac decano et capitulo capelle illustris principis domini ducis Burgondie de Dyuione alias viginti solidatas terre pro anniuersario ipsius Bertholomei in ecclesia dictorum decani et capituli pro remedio anime sue quolibet anno semel in anno jmperpetuum celebrando Nos predicti abbas et conuentus pro dictis viginti solidatis terre decano et capitulo datis et concessis tradimus et deliberamus jmperpetuum ipsis decano et capitulo medietatem cuiusdam domus pro indiuiso cum fundo et pertinentiis eiusdem medietatis site Dyuione in vico porte noue iuxta domum Villermi Candelarii ex vna parte et domum decani et capituli capelle diuitum de Dyuione ex altera et partitur dicta medietas dicte domus cum dictis decano et capitulo capelle diuitum qui decanus et capitulum capelle diuitum dictam medietatem dicte domus antea tenebant et habebant a nobis jmperpetuum pro decem solidatis terre ad Dyuionem nobis et successoribus nostris quolibet anno jmperpetuum semel in anno soluendis precipientes dictis decano et capitulo capelle diuitum vt dictis decano et capitulo capelle domini Ducis dictas decem solidatas terre soluant sicut antea nobis soluere consueuerant Item tradimus et deliberamus jmperpetuum dictis decano et capitulo capelle domini Ducis decem solidatas terre annui et perpetui redditus quas habemus et percipimus ad monetam dyuionensem super domum Mileti Cloecarii sitam Dyuione prope portam leonis iuxta mansum heredum domini Guillermi quondam cambellani domini Ducis ex vna parte et domum Bertholomei Barberii ex altera Promittentes bona fide et sub voto religionis nostre et sub obligatione omnium bonorum monasterii nostri predicti omnia predicta prout superius sunt expressa dictis decano et capitulo capelle domini Ducis legittime garantire deffendere et in pace tenere et in nos littis onus suscipere et transferre contra omnes calumpniatores si qui super hoc apparerent quociens et quamcito fuerimus super hoc requisiti nostris propriis sumptibus et expensis ac facere et prestare quicquid in causa euictionis debet fieri et prestari et contra tenorem presencium non venire jnfuturum quoquomodo renunciantes in hoc facto omni actioni rei ita non geste doli et in factum conditioni sine causa omnibus litteris priuilegiis et graciis a sede apostolica indulgendis quibuscunque vel indultis impetratisque et impetrandis et generaliter omnibus aliis exceptionibus et rationibus juris et facti consuetudinis et statuti que contra presentes litteras possent obici seu dici et precipue juri dicenti generalem renunciationem non valere In cuius rei testimonium sigilla nostra presentibus litteris duximus apponenda datum in capitulo nostro die mercurii ante festum Penthecostes anno domini millesimo CCC septimo decimo